影片
更多
2018-08-15
133 瀏覽
好，話說我要開一個openrice account，去寫一寫一間拉麵店。首先，我點左兩客神山沾麵！ 我同我太太一人一客！然後再點左個芥茉醬炸雞，好，以一間拉麵店來講， $100左右嘅價錢，食物嘅質素都叫做還可以，但係，一講到服務就零雞蛋！ 話說，我哋一入到去，九點幾鐘成個場空晒，佢偏偏安排我哋坐廚房側邊嗰個位！好啦，咁我想掉位，想搵個侍應問吓可唔可以掉位，佢哋就成班人維圈傾計！ 由佢！跟住，隔離突然嚟咗一張八人嘅枱，唔知點樣佢哋班夥計落錯晒啲單，個經理好似第一日做經理咁，講完唔好意思就擰轉頭教訓落錯單嗰個下屬！講真，你想做門面野我真係唔care，但係我同佢嘅距離加上我聽到嘅聲線！好似係教訓緊我！ 都唔緊要！跟住，我見到上菜俾我嗰個夥計，喺度r佢自己塊面，再用同一隻手上菜！ 講真，雖然佢有塊底盤，但我真心覺得！佢呢啲咁嘅Service冇可能收我加一！ 我當佢個加一係茶芥，由佢！ 誰不知我未返到屋企就開始肚痛，噴射式！點先？所以我先至開個OpenRice Account，提醒大家，夏天真係要小心沾麵，特別係呢一間法式服務，中式管理嘅日式拉麵！打住咁多先，我太太都要用廁所！
首先，我點左兩客神山沾麵！ 我同我太太一人一客！然後再點左個芥茉醬炸雞，好，以一間拉麵店來講， $100左右嘅價錢，食物嘅質素都叫做還可以，但係，一講到服務就零雞蛋！
話說，我哋一入到去，九點幾鐘成個場空晒，佢偏偏安排我哋坐廚房側邊嗰個位！好啦，咁我想掉位，想搵個侍應問吓可唔可以掉位，佢哋就成班人維圈傾計！ 由佢！
跟住，隔離突然嚟咗一張八人嘅枱，唔知點樣佢哋班夥計落錯晒啲單，個經理好似第一日做經理咁，講完唔好意思就擰轉頭教訓落錯單嗰個下屬！講真，你想做門面野我真係唔care，但係我同佢嘅距離加上我聽到嘅聲線！好似係教訓緊我！ 都唔緊要！
跟住，我見到上菜俾我嗰個夥計，喺度r佢自己塊面，再用同一隻手上菜！ 講真，雖然佢有塊底盤，但我真心覺得！佢呢啲咁嘅Service冇可能收我加一！
我當佢個加一係茶芥，由佢！ 誰不知我未返到屋企就開始肚痛，噴射式！點先？所以我先至開個OpenRice Account，提醒大家，夏天真係要小心沾麵，特別係呢一間法式服務，中式管理嘅日式拉麵！打住咁多先，我太太都要用廁所！
張貼
