焱丸水產

營業中

休息中

今晚去咗尖沙咀呢間磯燒海鮮居酒屋，一入去就感受到濃濃日式居酒屋風，超有氣氛！我哋叫咗「焱丸活貝特盛」，勁誇張一大盤上枱，款款都係海鮮控夢寐以求嘅寶藏～有焱丸蟹噌甲羅燒、活鮑魚、帆立貝、巨型生蠔同白蜆，每樣都新鮮到不得了!!!焱丸蟹噌甲羅燒真係要encore，蟹膏勁香濃，入面混埋蟹肉同蔥花，拎嚟撈飯或者點啲貝類食，正到唔想講嘢。活鮑魚同帆立貝新鮮彈牙，燒完仲多咗少少焦香味；生蠔大大隻，食落去完全冇雪味，鮮甜爆汁，口感好爽。白蜆就細細粒但好鮮，滲出嚟嘅湯汁飲一口超滿足～豪華三文魚冷麵，打卡都覺得爽～並不是冷麵，係三文魚刺身大大條又厚切，製作成冷麵上枱，超有趣，打卡影相📸一流。飲品方面叫咗杯冰菠蘿燒酎，放咗原條冰透透嘅波蘿上嚟，夠晒打卡，又酸酸甜甜好開胃，同海鮮好夾，食完一餐都唔覺heavy。