豐鍋雞煲 (京瑞廣場1期)

營業中

休息中

成日都經過石門，但都冇發現到有間隱蔽雞鍋係京瑞一期6點幾就已經有啲人食，好在早到都唔洗點等位，坐多陣就發覺都幾爆場招牌麻辣雞煲去到侍應都有問雞煲嘅辣度，我怕打邊爐時會太辣所以又就揀咗BB辣，等咗一陣突然發覺後邊好多個雞煲，原來呢間係即叫即整，所以上菜時間要稍為等一等，食落新鮮，雞肉好滑，芹菜都唔少即炸紫菜芝士響令必點！見到隔籬枱叫，心郁郁又叫咗，食落非常有驚喜紫菜好香入邊芝士非常濃郁，成餐入邊最有驚喜就係呢樣！雪花肥牛質素幾好，份量都多，2人食岩岩好，而且牛香味都好足，放入雞煲入邊都會食到牛味雜菜籃比一般份量多手工四寶丸以往我都麻麻哋食丸，但侍應極度推介，咁就試吓，發覺真係冇介紹錯，4款都好有口感總括而言，餐廳勝在每款食品品質都高，大部份食物都新鮮即叫即整，飲品都非常之滿意，加上唔會太嘈同朋友傾吓計就非常適合。