豐鍋雞煲 (京瑞廣場1期)

營業中

休息中

今日約咗個好耐冇見嘅朋友食飯，咁啱喺沙田區見完客，就喺石門京瑞廣場呢度見到有間雞煲好似唔錯，晚市仲有八折，入嚟試吓。朋友唔係食得幾辣，所以今次我哋就冇嗌雞煲，叫咗個椰子雞煲。椰子雞煲湯頭清甜，職員仲會即場開咗一個椰子，直直接接到啲椰子水落去。個湯真係好甜，又清新食落，一啲都唔油膩不經不覺都飲咗好多碗。建議要刮埋啲椰子肉放埋落去一齊打邊爐。椰子雞湯本身個鍋底包咗半隻椰子雞份量非常之足，一上到枱以為係全隻雞，兩個人食都真係未必食得晒。雞肉都嫩滑建議唔好煮咁耐，用細火浸到咁上下就好，滑捋捋。我哋叫咗個極品本地手切牛頸脊，牛紋理都幾靚半肥半瘦，好有牛味，份量都算幾多都幾抵食。另外都推薦試吓佢哋自創爆芝響鈴，本身個響鈴豆皮豆味好香，另外入邊加咗芝士，又邪惡又夾。佢哋仲有個紫菜響鈴，下次一定要試吓。另外再叫多個手工四寶丸，墨魚丸蝦滑，鯪魚等等，最推介佢哋嘅墨汁墨魚丸，好彈牙，仲有粒粒墨魚條喺入邊好有口感。成餐最驚喜就佢哋嘅椰子雞湯非常之清甜，真係不經不覺飲咗好多碗，會再encore。