豐鍋雞煲 (京瑞廣場1期)

營業中

休息中

今日朋友特登揸車過嚟試吓佢嘅雞煲，我都帶咗幾次朋友過黎，佢哋都覺得好食。2030去到都爆場，等左陣先有位，門口已經聞到好香嘅雞煲，味🤩2人揀左個招牌BB辣雞煲，雞件改得細細件，令到佢好入味，食落惹味，入邊嘅配菜洋蔥，芫荽更係我最愛之選，鍾意食芫荽嘅可以加叫一個，倒埋入去炒。頂級雪花肥牛肥牛有厚度，又唔會太肥，有牛香且肉質嫩帶小咬口。手工黑松露墨魚丸佢哋嘅手打丸係我每次都會叫，好有咬口又彈牙，入邊仲有墨魚粒粒，真材實料。野生竹笙&娃娃菜正常發揮，爽脆口感，叫黎吸湯汁一流。娃娃菜都好新鮮量多，都係吸湯精選。自創爆芝響鈴似係即炸，熱辣辣上枱，可以即食，入邊有流心芝士，凍咗就會凝固咗。呢個係邪惡之選，不過食一件，已經好有飽肚感。