Olive Cafe (新領域廣場) (已結業)

無論lunch或者dinner黎食，食物價錢經濟實惠，仲有任食沙律、餐湯，難得可以食到熱辣辣自己再燒下既扒。晚市book左枱大約6點左右到，已經好多人食緊，所以記住book位。叫左澳洲M5黑毛和牛板腱150g($195)，美國極黑毛豬200g($110)。牛板腱肉味濃，自己鍾意燒到幾熟都得。用洋蔥、蕃茄仔做點綴，不過個板好大，就顯得塊肉好細。調味吧有各種調味料，當日見到其他食客出去拎，先知有調味吧。如果唔周圍留意，唔會特別關於。黑毛豬比牛板腱更為突出，較好食。黑毛豬肉嫩口之外，燒完有少少脆脆地既感覺，而且價錢唔貴，份量相對多d添。而且件扒好厚身，就算冇跟肉既紋理切，口感都唔會韌。任食既餐湯質素唔差，非常多湯料，仲有薯仔、紅蘿蔔等，煲得好夠味，後勁少少少少辣。而沙律就不過不失。整體，如果侍應輕輕講一講個沙律、餐湯、調味吧既位置，會更加好。而尼3個位置有少少逼，排隊拎沙律及餐湯既人，就擋住想拎調味料既人。但食物價錢及質素好。