The Nest Coffee Shop

營業中

休息中

係中環返工少不免要買下咖啡提神，依家咖啡店位於中環金融街附近，唔熟路嘅，應該都好難發現石屎森林之中有個咁寧靜嘅地方去買咖啡飲依間係社企嘅咖啡，附近嘅環境真係好舒服，最重要係沖出嚟嘅咖啡都好好飲！係繁忙嘅工作情況之下嚟呢度買咖啡都算係一個放鬆心靈嘅活動。我點咗杯美式咖啡同一個三文魚拖鞋包，杯咖啡飲落苦中帶甘，認真唔錯，水溫度啱啱好，因為我比較鍾意飲比較熱嘅咖啡，個包夾店員建議凍食，味道一般，埋單70蚊左右，係中環黎講算係平。因為而家係社企咖啡，佢地會請好多係社會上需要幫助嘅人，呢個社會責任，我覺得真係好值得去幫襯。