The Nest Coffee Shop

營業中

休息中

平日brunch時間，同伴提議到呢間cafe見面。由於少踏足港島區，所以靠google map按圖索驥，唔難搵（在座堂側），但又帶少少隱秘。沿路經過綠化區，安靜、舒適，然後就瞥見隱藏一角的cafe。咖啡店的地理位置理想，店面雖小，但店外由自成一角的小花園包圍，戶外座椅散落，唔擠擁，坐低飲嘢同時可以接觸陽光、草木，係忙裏偷閒的好地方。cafe由社企經營，消費可幫到弱勢群體，幾有意義。咖啡的價格同一般cafe差唔多，飲品分大、細2種size，估計大係12安士，細就8安士，兩者售價只差幾蚊；自備飲品杯可-$3。Latte，大杯：$38（已扣$3），味道可以，不過冇乜記憶點；應該冇拉花；飲品唔算大杯喺呢度消費係醉翁之意，主要歎環境，俾自己一個寧落嚟的空間同時間，抖抖氣，為自己打氣。

黎到最後一個工作日當然要對自己好點唉番杯好的咖啡ICCOLO LATTE呢款得一個size轉*Soy milk都係加$4咖啡香味都算係不過不失第一口就覺得soy milk 比例太多蓋過左咖啡的味道入口滑滑溜溜係幾正的

係中環返工少不免要買下咖啡提神，依家咖啡店位於中環金融街附近，唔熟路嘅，應該都好難發現石屎森林之中有個咁寧靜嘅地方去買咖啡飲依間係社企嘅咖啡，附近嘅環境真係好舒服，最重要係沖出嚟嘅咖啡都好好飲！係繁忙嘅工作情況之下嚟呢度買咖啡都算係一個放鬆心靈嘅活動。我點咗杯美式咖啡同一個三文魚拖鞋包，杯咖啡飲落苦中帶甘，認真唔錯，水溫度啱啱好，因為我比較鍾意飲比較熱嘅咖啡，個包夾店員建議凍食，味道一般，埋單70蚊左右，係中環黎講算係平。因為而家係社企咖啡，佢地會請好多係社會上需要幫助嘅人，呢個社會責任，我覺得真係好值得去幫襯。

中環係香港的核心地段，寸金尺土，要經營一間咖啡店確實不容易。正因為如此，好多咖啡店的咖啡都不便宜，下下都四五十蚊杯，點買得起。今日同大家介紹的呢一間就唔同啦，平均一杯咖啡大約30蚊，而且佢係一個社企，好值得大家支持同鼓勵一下。平時食完飯，我都會買一杯americano ($28), 如果係iced americano 就 ($30).味道方面, 咖啡唔酸唔苦，比較balanced. 飲得出應該係南美,例如 Colombia 的豆. 除左咖啡，佢都有lemon cake 同 wrap。

就在香港公園旁的聖約翰座堂內有一間社企cafe被美麗嘅公園包圍住嚟到哩度就好似去咗外國咁平日下午時分有唔少附近嘅上班族嚟買咖啡我哋叫咗一杯🔸Flat White、🔸Iced Latte 食物就叫咗🔹檸檬批、🔹火腿芝士panini、🔹雞肉牛油果墨西哥卷真心想讚咖啡好好飲我個杯咖啡又濃又香 厚奶質感👍🏻檸檬有清新嘅檸蜜香、夠酸甜度適中好食😋火腿芝士panini都值得推介～料多、有軟芝士同火腿火腿唔會好咸 加熱後食一流！晌一個咁舒服咁神聖咁靚嘅地方輕輕鬆鬆食個下午茶心情大好呢❤️

中環有一座隱藏的古典教堂，旁邊仲有一間社企咖啡店🥰，主打本地烘焙咖啡及每日新鮮烘焙麵包 。Cafe 外仲有小花園🏡，可以在庭園內，悠閑享用美食😌Pita bread with Salmon 店員好有心，幫我將麵包微微加熱，口袋包柔軟，裡面放了羽衣甘藍、洋蔥、及煙三文魚，加了檸檬汁🍋，食落非常清新🌱Chicken Avocado Wrap 墨西哥卷入面有好厚身嘅雞肉及微溶的芝士，加上番茄🍅、蔬菜🥬及牛油果🥑醬，口感十足Banana Bread店員話好受歡迎的， 果然夠鬆軟濕潤，香蕉味亦濃郁😋熱Mocha拉花好有心思💖，朱古力及咖啡味均勻，入口順滑凍Lemon Ginger Honey 自家製薑檸蜜加了梳打水，甜甜地夠清爽💕呢度亦是訓練中心，為一些有特殊需要或智障學員而設

今日lunch 後散步發現左教堂附近竟然有間隱蔽嘅社企coffee shop趁住今日ℍ𝕒𝕡𝕡𝕪 𝔽𝕣𝕚𝕕𝕒𝕪 我都一於支持下(っ◔◡◔)っ ♥ ᴳʳᵉᵉⁿ ᵀᵉᵃ ᴸᵃᵗᵗᵉ ♥ HK$30論價錢size 佢唔算好抵架但質素唔比連鎖咖啡差什至有驚喜😉啡味濃同時抹茶味好突出😋

位於中環花園道st andrew 教堂，本身係一間打卡教堂打卡聖地，去過一次都冇發現原來有個Cafe而且原黎個cafe 仲好影，唔同style文青feel嘢食正正常常

🫖The Nest Coffee Shop📝今朝一早喺中環做嘢 完成之後仲有時間得知聖約翰座堂入面有一間社企營運嘅咖啡店於是去探索一下原來咖啡店外面仲有個綠色角落可以慢慢坐期間見到唔少熟路嘅人士同職員入嚟呢個安靜神聖嘅地方歇一歇禁食期間我點咗杯凍咖啡少冰整體味道均衡柔和適合一般大眾口味同一時間嚟嘅其他客人點咗平白因為坐喺附近可以聞到佢杯咖啡帶焦糖堅果氣息再望遠少少另一邊客人食緊嘅香蕉蛋糕似乎亦相當吸引大家都喺緩緩嘅座堂鐘聲之中搵到自己嘅寧靜小天地Some matters to handle in Central this morningGot some spare time after that Heard inside the St. John’s CathedralThere’s a cafe run by a social enterprise Decided to explore it with this chanceNext to the cafeIt’s a green corner for customers and staff of the cathedralCould

食完lunch有點眼訓要杯咖啡提提神，剛好公司附近有這家咖啡店便過來試下。一路走過來都很有世外桃源的感覺，係中環一個小小不起眼的角落。叫了大杯的flat White, 落order的cashier是有disability的，但有沖咖啡的那位repeat order，話咁快就沖好。返到公司自己加糖，都還是熱的。雖然不是那些拿獎barista/roaster果啲濃度，但係都幾好味，濃度適中，比起樓下長江那連鎖店較好喝，所以以後我寧願支持NGO小店，會再光顧。

疫情持續 想搵個outdoor既地方飲杯咖啡黎到呢間座落教堂隔離既cafe呢間NGO cafe雖然係小店唔係好多座位，但係環境清幽好relax，而且杯latte都好有豆香。

過來中環搵朋友玩，食完lunch就一起出來hea,發現竟然有個咁靚嘅cafe，就一起食個下午茶。環境喺真嘅好好，周圍好安靜，好適合同朋友一齊坐抵傾計。呢度嘅咖啡都好飲，好香。仲點咗一件撻，甜度啱啱好，中間嘅蛋好滑好香。好中意呢度，喺嘅好放鬆嘅地方。

中環竟然有這麼一個秘密花園，環境優美，麻雀肥肥！很美麗的地方！！the nest cafe是一間社企，ok 喎！ 欣賞！ 來附近值得一來啊！是日點了：凍咖啡：好飲花茶：好熱好香朱古力酥：熱辣辣好味牛角酥夾火腿：香脆好味

今日小編去中環金鐘交界IC B C tower 開會，開完會之後個客話有個地方誠意推介去飲杯咖啡咁話喎。點知又上山又樓梯，間coffee Shop係個教堂隔離，唔係有人帶真係唔識路！一如以往叫咗flat white ，e ，好好飲喎，咖啡個味道好rich, 仲要個溫度做得好好，係啱即刻可以飲個隻溫度！再同個barista 傾計先知道原來the nest cafe 依度係ngo ( 非牟利團體) , 估唔到Ngo 有咁既水平！大家真係要去試下！

This cozy place is sitting next to a beautiful church, which offers decent drinks with reasonable prices. The staff was very friendly and introduced us the story behind this tiny café. It's also a NGO provides training for people with intellectual disabilities, to become professional baristas. Highly recommended to visit if you work nearby or come to Central.