影片
更多
2024-01-10
112 瀏覽
同屋企人慶祝生日要搵啲大家都啱食嘅餐廳，級數又要有返咁上下😎最後就揀咗係天后呢間蒸氣海鮮專門店。每人最低消費一個套餐，只有$598嘅藍龍蝦套餐，可以食到矜貴嘅藍龍蝦🦞同其他新鮮海鮮。店員每道菜都會幫忙蒸同分發，唔駛自己嚟。整體質素都唔錯，每道菜都幾好食，但加加埋埋人均$700，又未算好抵食🤔試一次無妨，但再食就要考慮下荷包感受🤣🤣罕有法國藍龍蝦海鮮蒸氣刺身套餐🫛餐前小食餐前小食有日式枝豆。🐟刺身頭盤（花龍蝦、象拔蚌、油甘魚、北海道帶子、銀雪魚、酒漬赤蝦、北寄貝）有矜貴一點嘅花龍蝦🤩做成刺身好鮮甜。其他幾款刺身都好新鮮，酒漬赤蝦幾特別，爽彈嘅蝦肉帶微微酒香味，更帶起蝦嘅鮮甜😋🦞法國藍龍蝦半隻藍龍蝦係非常罕有嘅品種，比較難捕捉，所以本身價格頗高，係呢度就可以食到😍將龍蝦蒸5分鐘，中間仲保持半生狀態，口感帶少許黏，大大條龍蝦肉起出嚟食，好豪氣😏😏點少少柚子胡椒食惹味一啲。若然喜歡全熟都可以叫店員幫忙蒸多2分鐘，口感會實淨啲。⚪️蘇格蘭刺身帶子（海草配西京麵豉）好似第一次食到咁厚身嘅帶子，蒸得剛剛好👍🏻👍🏻中間好滑嫩，口感好正😋底下嘅海帶麵豉湯都好好飲，有海鮮鮮甜味，無平時嘅麵豉湯咁鹹。🐚花螺、
罕有法國藍龍蝦海鮮蒸氣刺身套餐
🫛餐前小食
餐前小食有日式枝豆。
🐟刺身頭盤（花龍蝦、象拔蚌、油甘魚、北海道帶子、銀雪魚、酒漬赤蝦、北寄貝）
有矜貴一點嘅花龍蝦🤩做成刺身好鮮甜。其他幾款刺身都好新鮮，酒漬赤蝦幾特別，爽彈嘅蝦肉帶微微酒香味，更帶起蝦嘅鮮甜😋
🦞法國藍龍蝦半隻
藍龍蝦係非常罕有嘅品種，比較難捕捉，所以本身價格頗高，係呢度就可以食到😍將龍蝦蒸5分鐘，中間仲保持半生狀態，口感帶少許黏，大大條龍蝦肉起出嚟食，好豪氣😏😏點少少柚子胡椒食惹味一啲。若然喜歡全熟都可以叫店員幫忙蒸多2分鐘，口感會實淨啲。
⚪️蘇格蘭刺身帶子（海草配西京麵豉）
好似第一次食到咁厚身嘅帶子，蒸得剛剛好👍🏻👍🏻中間好滑嫩，口感好正😋底下嘅海帶麵豉湯都好好飲，有海鮮鮮甜味，無平時嘅麵豉湯咁鹹。
🐚花螺、一夜干石特魚
花螺幾爽彈，不過都係上枱先知將餐牌上嘅青口換咗花螺，應該要提前講好啲🤔一夜干幾好食，魚肉超級鮮嫩，醃過之後帶少少鹹香味😙😙
🦑山椒醬油配白鱔、每天手打鮮製蝦滑、每天手打鮮製墨魚滑
白鱔非常爽彈。蝦滑同墨魚滑都好食😋😋蝦滑非常彈牙，墨魚滑面頭加咗櫻花蝦，兩款都帶海鮮鮮味😻
🦐時令海蝦、蒸時令生蠔
海蝦好大隻，蝦頭食到啲蝦膏。生蠔幾飽滿多汁🦪蠔味濃郁。
🍗日式京蔥醬油配本地雞
估唔到除咗海鮮，雞肉都幾好食😚😚蒸嘅時候見到雞油滲出嚟💦雞皮爽彈，雞肉嫩滑。
🧀櫻花蝦芝士烏冬
濃郁芝士汁撈勻烏冬食，滿滿香濃芝士味😙如果唔食芝士都可以轉醬油烏冬。
🌽新鮮野菜盛合
🍚日式雜炊
一開始蒸海鮮時，蒸爐下面有龍蝦頭同粥keep住熬製，每道海鮮嘅精華滴晒落去🥰🥰店員會將龍蝦頭嘅肉加上蛋漿做成粥，橙色嘅湯頭滿載濃濃海鮮鮮味，幾正🤩
🍰日式甜品
有士多啤梨或伯爵茶蛋糕選擇，雪到凍冰冰，口感實淨，好似食緊雪糕🍨
人均消費：$710
推介指數（10分為滿分）：7.5分
張貼
