影片
更多
2025-04-17
0 瀏覽
發現咗呢間新式招牌潮粵菜+手工點心餐廳環境高雅不特止 原來鋪面面積超大仲有好多壁畫 滿滿中國風情 空間感超足 食得超舒服 新開張仲做緊九折添❣️豆漿蟹肉番薯苗蟹肉足料又有鮮味 番薯苗充分吸收豆漿精華 冇諗過呢個配搭原來咁好味❣️鮑魚東坡肉飯東坡肉肥瘦相間分明 炆到好腍 一夾即散驚喜係鮑魚用上乾鮑 醬汁充分滲透 食落好鮮味❣️魚翅撈飯魚翅夠晒粗身 上湯扣得好濃郁底下仲要係有鑊氣嘅炒飯底 夾埋食超正❣️金魚戲水造型夠晒別緻 唔係得個樣蝦肉 好鮮味❣️鳳眼蝦餃蝦肉大大隻 皮薄餡靚 配上啲魚子醬更顯矜貴❣️鐵板麻辣小籠包咁多款食物 呢樣我覺得最出色 我比10分底下有薄薄麵粉漿脆底 就算我影相影咗一段時間先食都依然爆汁 而且個汁嘅麻辣味係慢慢滲出嚟一口一個 超出色 我直情想自己食晒一碟❣️意大利黑醋金目鱸起晒肉好貼心 魚肉好鮮味 炸漿外殼輕盈黑醋夠晒開胃 冇負擔 而且成條飛天魚咁樣上菜 食都食得開心啲❣️青花椒和牛和牛用上蝴蝶切法 牛味濃郁 口感嫩滑青花椒味清新唔會嗆 底下仲有啲萵筍絲夾埋和牛一齊食又有另一個口感❣️滷水鵝片滷水膽好香口 鵝肉好入味 份量好足底下仲有勁滑溜嘅滷水豆腐 ❣️福果芋泥芋頭味濃郁 食落微甜
發現咗呢間新式招牌潮粵菜+手工點心餐廳環境高雅不特止 原來鋪面面積超大
仲有好多壁畫 滿滿中國風情
空間感超足 食得超舒服 新開張仲做緊九折添
❣️豆漿蟹肉番薯苗
蟹肉足料又有鮮味 番薯苗充分吸收豆漿精華
冇諗過呢個配搭原來咁好味
❣️鮑魚東坡肉飯
東坡肉肥瘦相間分明 炆到好腍 一夾即散
驚喜係鮑魚用上乾鮑 醬汁充分滲透 食落好鮮味
❣️魚翅撈飯
魚翅夠晒粗身 上湯扣得好濃郁
底下仲要係有鑊氣嘅炒飯底 夾埋食超正
❣️金魚戲水
造型夠晒別緻 唔係得個樣蝦肉 好鮮味
❣️鳳眼蝦餃
蝦肉大大隻 皮薄餡靚 配上啲魚子醬更顯矜貴
❣️鐵板麻辣小籠包
咁多款食物 呢樣我覺得最出色 我比10分
底下有薄薄麵粉漿脆底
就算我影相影咗一段時間先食
都依然爆汁 而且個汁嘅麻辣味係慢慢滲出嚟
一口一個 超出色 我直情想自己食晒一碟
❣️意大利黑醋金目鱸
起晒肉好貼心 魚肉好鮮味 炸漿外殼輕盈
黑醋夠晒開胃 冇負擔
而且成條飛天魚咁樣上菜 食都食得開心啲
❣️青花椒和牛
和牛用上蝴蝶切法 牛味濃郁 口感嫩滑
青花椒味清新唔會嗆 底下仲有啲萵筍絲
夾埋和牛一齊食又有另一個口感
❣️滷水鵝片
滷水膽好香口 鵝肉好入味 份量好足
底下仲有勁滑溜嘅滷水豆腐
❣️福果芋泥
芋頭味濃郁 食落微甜 口感綿密
配上銀杏造型更靚 仲有啲炒過嘅芝麻
撈埋食又多咗一重香氣
張貼
