影片
開飯介紹
新派潮州菜，餐廳裝潢時尚，打造舒適及特色兼備的用餐環境；菜單融合傳統潮州風味和創新元素，提供一系列精緻點心及地道小菜。
繼續閱讀
營業時間
今日營業
11:00 - 16:30
17:30 - 22:00
星期一至五
11:00 - 16:30
17:30 - 22:00
星期六至日
10:00 - 16:30
17:30 - 22:00
公眾假期
10:00 - 16:30
17:30 - 22:00
以上資料只供參考, 請與餐廳確認詳情
有關獎賞計劃
最近發現荃灣荃新天地 新開主打新派潮州菜的自己人GAGINANG，晚市都可以飲茶歎一盅兩件，中式點心透過賣相、食材、味道注入新元素，不走尋常路，突破固有框框，餐廳面積廣闊，高樓底甚有空間感，一洗中菜館的俗套老氣，注入時尚氣息，散發摩登的東方韻味，鮮荔枝球 $39紅彤彤的外層由糯米製成，外脆內煙韌，餡料由蝦粒及芝士組成。黑天鵝酥 $39黑天鵝造型優雅中帶神秘，多重層次酥皮鬆化脆口，緊裹著豬肉韮菜內餡，猶如是潮州粉粿的另類變奏版。雪茄春卷 $39雪茄外型幾可亂真，真身其實是魚粒春卷，口感香脆，炸得乾身不油膩。熊仔朱古力 $39熊仔賣相得意又可愛，包身軟綿不黏口，一口咬開隨即澎湃湧出朱古力流心。鳳梨雀仔 $39雀籠外型賞心悅目，胖胖的小鳥其實是鳳梨酥，外層香酥，內裡滿載酸甜鳳梨纖維。金魚戲水 $49將湯餃設計成魚池般的場景，金魚就像在水中悠游暢泳，栩栩如生，柔韌餃皮包裹著爽彈蝦肉餡。小小梨子 $39採用傳統潮州粉果皮手法製作出梨形的和牛粉果，黑椒牛肉微辣惹味，肉汁飽滿。老香黃雪山包 $39包面酥皮香甜，鬆軟包身裹著蜜汁叉燒內餡，鹹中帶甜卻完全沒有違和感。台灣肉鬆飛餅 $49飛餅烤到金黃香脆，富有酥軟嚼勁，堆滿蓬鬆鹹香的豬肉鬆和青蔥。鐵板麻辣小籠包 $49小籠包外皮口感帶韌性，肉餡保持濕潤，夾雜令人食慾大開的椒麻韻味。潮汕炸乳鴿 $49經過滷煮再油炸的乳鴿皮脆肉滑，肉質柔嫩，滷得入味。購買茶飲即享堂食免茶位費，加入乾冰後，杯蓋頂的小茶壺飄逸著仙氣般的煙霧，黃皮手打檸檬茶$29 及手打鴨屎香檸檬茶$29清香消暑，另加$5就有清脆爽口的馬蹄爆珠。
繼續閱讀
早排留意到荃新天地開左間中菜館💫主打潮州菜，仲有超精緻打卡既點心！終於約左屋企人黎試試😋餐廳環境闊落，空間感大，有唔少座位～呢度大部份座位都係梳化位同卡位，另外仲有適合一家大細既大圓枱，係一家人聚餐既好地方💕裝修風格具現代感，有色彩繽紛既壁畫🎨幾有特色！❥ 金魚戲水 (湯餃) $49賣相好精緻🤩有兩條金魚🐟🐟湯餃皮薄有彈性，鮮蝦餡肉夠彈牙🫶🏻湯汁鮮甜，每一啖都令人好滿足😌❥ 鳳梨雀仔 $39外形可愛，有埋個雀籠，打卡一流！味道微酸帶甜，搭配鬆脆的外皮，口感好好👍🏻食落唔會太甜，岩岩好💕❥ 老香黃雪山包 $39雪山包好鬆軟，內餡豐富！要趁熱食🔥❥ 鳳眼蝦餃 $39蝦餃大大粒好飽滿，蝦肉鮮美滑嫩🤩❥ 流心燒賣 $39同傳統燒賣有d唔同🤣咬出流心麻辣汁🌶️好惹味！口感仲好豐富👍🏻❥ 潮汕炸乳鴿(隻) $49乳鴿大大隻，外皮香脆，一咬落去超多肉汁💥好有風味～❥ 紫菜炒飯 $89好大碟既炒飯🥘材料充足！炒得好乾爽，香氣四溢！食落粒粒分明，充滿鑊氣😋❥ 滷水拼盤 $99有多款鵝既部位，包括鵝掌、鵝片、鵝肝，另外仲有豆腐、爽脆墨魚等等～味道好鮮嫩，滷水汁都調得岩岩好，夠香口入味🤩又唔會太咸！❥ 咸話梅手打檸檬茶 $29❥ 手打鴨屎香檸檬茶 $29一上枱，有乾冰效果，超打卡☺️兩杯都大大杯，清新解膩🥤
繼續閱讀
朋友家住荃灣，山長水遠從港島區走去同佢食中午飯慶生，地方是朋友選的，在荃灣西站出口，穿過多個商場，再過行人天橋，終於到了荃新天地1期，見到這間叫自己人的新派潮州菜館。朋友之前在這裏用過餐，說地方環境不錯。觀看週圍環境確實不錯，地方寬敞，座位舒適，有梳化及卡位，裝修設計有創意特式，聽說開張才幾個月。朋友點了一隻炸乳鴿及海鲜紫菜炒飯，點心就叫了一個金魚戲水（湯蝦餃）之前朋友在這裏用餐，吃過海鮮紫菜炒飯，說味道不錯，這次再叫，飯竟然加了红米，不用雞蛋，看似很健康，但飯就好硬，朋友因腸胃不好，不能吃红米，雪藏蝦及迷你帶子無鮮味，這個飯不好吃，心情也受到影響，硬咽不下，朋友吃了小碗不吃，我勉強吃了兩碗，剩下的再也無法勉強吃了！總结在這裏用餐體驗，這兒茶位費收每位15元，但沒得選茶，另外加一服務費，收費不便宜呀！食物質量一般，特別是那個炒飯，令我們留下深刻不愉快的用餐體驗。
繼續閱讀
我同老公都好鍾意去飲茶食點心🫖，知道最近荃新天地開咗間叫「自己人」嘅潮州菜，出咗多款創意可愛點心🥟，非常吸引呀！呢度嘅手搖果茶杯上面都會放咗個小茶壺，茶壺會噴出乾冰霧氣，可愛又仙氣十足！依家新開張做緊9折優惠😍，即刻要去試吓先得😋！🦐鳳眼蝦餃（3件） $39餃皮薄身煙靭，咬落有豐富嘅蝦肉，口感鮮甜。🦢黑天鵝酥 $39用折疊工藝手法，整成層層疊加嘅酥皮，變做栩栩如生嘅天鵝羽毛，靚到唔捨得食！🐻熊仔朱古力（3件） $39大人同小朋友見到都開心嘅熊仔朱古力，流心朱古力餡多到噴出嚟😆，朱古力味估唔到又幾濃郁！🐥鳳梨雀仔（3件） $39三隻雀仔喺籠入面超可愛啊！鳳梨酥外脆內軟，入面嘅鳳梨餡份量好足，又唔會好甜。🌮台灣肉鬆飛餅（2件） $49薄餅酥脆唔會好油，夾住超足料嘅肉鬆餡，如果加埋沙律醬仲好味！🐷黑蒜帶子燒賣（3件） $39呢款同傳統嘅燒賣好唔一樣，多咗濃厚嘅嘅黑蒜味，同搭配鮮甜嘅帶子，味道獨特。🦐黑胡椒大虎蝦（二頭虎蝦）隻 $148虎蝦好大隻😍！肉質鮮嫩緊實，帶有微辣嘅黑胡椒香氣，味都濃郁！🪿滷水鵝件 $89鵝片滑嫩入味，滷水汁調得恰到好處，唔會過鹹。🫓百花紫菜酥 $89用蝦膠、墨魚粒同粟米混合打製而成，再加上香氣十足嘅紫菜，外層香脆，內層彈牙，增加咗層次感。🍹粒粒葡萄茉莉綠茶 $34飲到葡萄肉，鴨屎香檸檬酸味恰到好處，清新又解膩。埋單嘅時候，店員話而家登記做「自己人」會員，會有三重迎新優惠，有免費金魚湯餃同雀仔鳳梨酥各一客，同HK$200 餐飲券（滿$600使用）！大家記得做埋會員先走啊😆📍 自己人 荃灣楊屋道1號荃新天地UG樓UG43&81號舖
繼續閱讀
潮流興Fusion菜，近日見到荃灣荃新天地開咗新餐廳 - 新派潮州中菜館 - 《自己人 GAGINANG》，見到好多朋友仔打卡啲點心賣相非常吸引，今日終於到我嚟試吓先！餐廳地方寬敞，座位非常闊落，將傳統嘅潮州菜變成新派打卡📸美食，適合一家人或朋友聚餐！🔸潮汕蠔烙🔸食潮州嘢梗要試呢款煎蠔餅啦！蠔餅可以配上魚露及辣椒醬，蠔仔分量非常多，隻隻飽滿新鮮，脆漿炸得鬆化，入口脆卜卜，非常惹味😋🔸鳳梨雀仔雀仔🐤造型嘅鳳梨酥，仲有個雀籠裝飾，賣相好特別好打卡，食落鳳梨餡甜味適中，外層酥皮鬆化🔸金魚戲水（湯餃）金魚造型嘅蝦餃，賣相一樣係咁打卡，用個盆裝住上湯放兩隻金魚蝦餃，好似兩條金魚喺湖水中暢泳咁！🔸魚翅撈飯呢度仲有呢款富豪魚翅撈飯食，用個細碗仔載住一客飯，上面鋪滿魚翅撈，底下並有一個火暖熱，保持食物溫度👍🏻🔸潮州沙律 - 潮汕秋葵海鮮沙律呢款係一款潮式冷盤，材料包括秋葵、魷魚、大蝦、青口，加入酸辣醬汁調味，令人食得開胃🔸潮汕滷水炸乳鴿滷水乳鴿炸得外層皮脆卜卜，肉質保持鮮嫩，滷水汁滲入乳鴿肉，份外入味🔸百花紫菜酥呢款菜式係用咗蝦滑釀落紫菜度煎香，蝦滑彈牙加入紫菜的鹹香味非常配合🔸蝦乾香蔥麵用咗蝦乾同香蔥油撈麵，撈麵彈牙，唔單止有蔥油嘅香味，仲帶有蝦乾嘅鹹香味道，啖啖都好滋味🔸老香黃雪山包雪山包外層皮鬆軟，入面超多餡料🔸紅寶石粉果顏色好靚，圓轆轆象一粒紅寶石，我同佢做得非常通透入面嘅餡料透出來🔸小小梨子做完再一個梨子🍐，炸得外層酥脆，咬落入面原來是鹹水角嘅餡料，充滿驚喜🔸甜點：五仁豆腐傳統中華美食，係甜食的，用水嫩嫩的豆腐薄芡在花生脆里打了個滾，兩者合二為一，炸得外表酥脆裡面嫩滑，一口一個
繼續閱讀