影片
更多
2017-09-15
3309 瀏覽
等咗一個星期，今晚終於到李克勤慶祝成30週年演唱會尾場，開show前緊係要揾嘢食啦!今次揀咗富士山55， 佢以名古屋為中心，全日本開咗30分店以上，仲連續十個月榮登關西沾麵冠軍，咪話唔駕世！早年就開始喺海外開分店，香港亦係其中之一。所謂沾麵，其實係將拉麵同湯分開上嘅食法，同食冷烏冬or蕎麥麵有d相似，但沾麵嘅湯係熱辣辣嘅。沾麵比拉麵嘅歷史短得多，大約只有十幾年。對於日本人嚟講，唔同時間場合，對麵食嘅要求都唔同，佢哋lunch會食沾麵，但飲完酒宵夜時，就會想食拉麵。而香港亦越開越多唔同派別嘅拉麵沾麵店，無論咩時間都可以食。不過，我記得真係有間小店係下午先供應沾麵，晚上只供應拉麵！！沾麵同一般拉麵唔同嘅地方，係溫度。煮好麵條之後，會用凍水過冷河，除咗降低溫度，而且質感亦比普通拉麵煙韌彈牙得多。沾麵嘅湯因為唔係直接飲嘅關係，熬得比一般嘅拉麵湯底濃郁。唔同嘅店會有唔同嘅湯底，大多數係以豬骨沾湯、雞沾湯為主，都有d用海鮮沾湯為主。收工大約6點9嚟到，門囗未有人等位，而舖入面已經8成滿座!門口有4張櫈比人等位等到攰時坐嘅，同時亦放咗menu比客人睇，門外貼住張紙寫住要人齊先可以入座。所h等埋朋友仔
所謂沾麵，其實係將拉麵同湯分開上嘅食法，同食冷烏冬or蕎麥麵有d相似，但沾麵嘅湯係熱辣辣嘅。
沾麵比拉麵嘅歷史短得多，大約只有十幾年。對於日本人嚟講，唔同時間場合，對麵食嘅要求都唔同，佢哋lunch會食沾麵，但飲完酒宵夜時，就會想食拉麵。而香港亦越開越多唔同派別嘅拉麵沾麵店，無論咩時間都可以食。不過，我記得真係有間小店係下午先供應沾麵，晚上只供應拉麵！！
沾麵同一般拉麵唔同嘅地方，係溫度。煮好麵條之後，會用凍水過冷河，除咗降低溫度，而且質感亦比普通拉麵煙韌彈牙得多。沾麵嘅湯因為唔係直接飲嘅關係，熬得比一般嘅拉麵湯底濃郁。唔同嘅店會有唔同嘅湯底，大多數係以豬骨沾湯、雞沾湯為主，都有d用海鮮沾湯為主。
收工大約6點9嚟到，門囗未有人等位，而舖入面已經8成滿座!門口有4張櫈比人等位等到攰時坐嘅，同時亦放咗menu比客人睇，門外貼住張紙寫住要人齊先可以入座。所h等埋朋友仔大約7點到，店員就叫我哋喺門口等一陣，因為咁啱有人埋單，收銀近住門口，佢要先收錢再安排我哋入座，如果唔係就會塞住個門口。
Menu 主要有4款沾麵4款拉麵1款撈麵，另外兩款季節限定都係海膽，可以揀沾麵or拉麵。每碗麵都可以加配料由10 至18蚊不等。仲有章魚小丸子，餃子……等小食。
門外貼咗季節限定海膽汁三文魚子沾麵嘅poster，鮮甜海膽同晶瑩剔透，望到已經口水流。
所有拉麵沾麵都可以揀軟硬度，又可以自由選擇要唔要配料同蔥。
牆上面仲教你正確嘅沾麵食法，就係夾起一箸麵，放入熱湯內蘸一下，大約蘸七分就得，咁樣既可以掛起濃湯，又可以食到拉麵嘅小麥粉香。食飽麵之後，剩低少少湯一d都唔會浪費。可以叫人加鰹魚清湯嚟稀釋濃湯，你可以揀飲晒剩低嘅湯或者可以叫個白飯，加入湯中做泡飯，都係地道日本人嘅食法。
柚子豚骨拉麵(+椰菜) 聽講呢度嘅白湯用咗50斤本地新鮮豬筒骨同豬頭骨之餘，仲加咗雞和鰹魚，而呢款就加咗柚子，柚子皮咬落有少少甘甜味又清香，拉麵本身係配大量海帶，幾種味加埋令湯底味道更加有層次，係其他拉麵店好少見，可以一試！
兩大塊叉燒，叉燒軟熟，帶焦香。半隻溏心蛋滑溜帶蛋香，外貌靚仔過上次食隔離街果間拉麵店。
43 瀏覽
0 讚好
0 留言
38 瀏覽
0 讚好
0 留言
海膽沾麵
雖然同poster 上嘅樣有d出入，海膽而家係用好大隻嘅加大拿海膽，但三文魚籽仍然晶瑩剔透。除此之外，仲半隻溏心蛋同筍條！
沾麵偏粗，有d似厚身嘅扁意粉，又有d似食緊烏冬。湯頭係極濃嘅海膽作湯底，口感似飲緊玉米濃湯，濃郁鮮甜嘅海膽味，入口即刻將我溶化咗，果種鮮甜真係好難形容！
由於沾麵講求湯汁要掛係麵上，所以湯底偏濃稠，如果齋飲湯就會鹹咗d。
而拉麵店亦跟足日本嘅做法，會喺枱上放置小型電磁爐，方便d湯底凍咗可即時加熱，保證作由頭吃到尾都係熱辣辣，冬天就至啱，非常貼心。
38 瀏覽
1 讚好
0 留言
42 瀏覽
0 讚好
0 留言
20 瀏覽
0 讚好
0 留言
張貼
