阿閒泰 (世貿中心)

營業中

休息中

但成餐飯只有餐廳境係滿意⋯⋯叫左四道菜:1. 原隻燒豬手因為呢個菜式先第一次寫食評…餐牌寫要等20分鐘，所以等左陣先上菜，四道菜得呢道菜係熱嘅。唔知咪等得耐佢都都炸得耐，啲皮勁un ，咬好耐唔講以為食緊擦子膠。可以見到啲肉係勁overcook 嘅，從啲肉嘅紋理清晰見到有幾dry，仲衰過燒肉，個口仲畀近邊邊啲勁鞋口嘅肉畀親真係未食過咁嘅豬手，好失望。但公道啲，佢個伴菜木瓜沙律係fresh 同好食嘅。2. 香菇肉碎生菜呢個菜色算最理想的，肉碎調味合適，只係溫度有啲尷尬，唔凍又唔熱，有啲搞唔清係冷盤定熱盤3. 大蝦金邊粉應該係一般泰菜會有嘅菜式，呢碟落左單幾分鐘就上菜。黎到見到個分量有啲嚇親，得個拳頭仔分量左右，塊葉仲大過啲粉😅應該係整定嘅放左好一段時間唔係即抄，因為啲粉係痴住一舊，好難夾得開同埋又係唔熱嘅。凍嘅主食所以味度都唔好得去邊⋯⋯4. 炭燒三黃雞賣相ok，有啲黃色粉說不出係啲咩，但甜甜地有啲特別。燒菠蘿係好食嘅，鮮甜，個汁都開胃，但隻雞就燒得有啲乾，畀起豬手，算係可接受的。總的來說，好食嘅只有伴菜，但啲主色無一樣係接受到嘅質素。呢個價錢，唔值得。