影片
更多
2024-01-05
29 瀏覽
每逢月尾出糧都會慰勞自己同好姊妹食Omakase, 今晚選址尖沙咀「花晨月夕」。餐廳面質不大, 呈L形吧檯座位, 另有兩間房間, 頗有私隱度。晚市一共有三個價錢套餐選擇, 而我就揀咗最豐富嘅Omakase Moon HK$1580/位包含了前菜、刺身五款、御料理、壽司十貫、湯、甜品先送上前菜, 擺盤豐富又吸引, 適逢聖誕月, 用咗幾款食材製作成含聖誕元素嘅小食。前菜有星星薯餅, 以白合製成雪人模樣, 口感綿密; 蕃茄仔夾著芝士成為聖誕老人, 清甜多汁又有芝士香, 仲有以煙三文魚、三文魚籽沙律嘅聖誕樹。很有心思, 打卡之餘又好食!第一道刺身擺盤同樣亦係充滿視覺享受, 以食用泡泡同氮氣製成氣泡, 維持幾秒後爆開, 刺身於煙霧中呈現; 鯛魚卷住了海膽, 魚籽醬點驟, 鯛魚為淡味魚配上酸醋, 清新提鮮。日本兵庫縣黃金武士蠔: size細小但很肥美, 海水味剛剛好, 蠔味突出。活北寄貝配檸檬汁: 清新、爽甜唔腥北海道毛蟹+馬糞海膽: 以紫菜包住食, 海膽甘香鮮甜, 入口即溶, 仲有鮮味兼梳梳蟹肉口感鰤魚火灸過, 蒜蓉做點驟, 味道甘香, 肉質細膩嫩滑A4和牛烹粉絲: 和牛嫩滑, 夾京蔥一齊食有搶
餐廳面質不大, 呈L形吧檯座位, 另有兩間房間, 頗有私隱度。
晚市一共有三個價錢套餐選擇, 而我就揀咗最豐富嘅Omakase Moon HK$1580/位
包含了前菜、刺身五款、御料理、壽司十貫、湯、甜品
先送上前菜, 擺盤豐富又吸引, 適逢聖誕月, 用咗幾款食材製作成含聖誕元素嘅小食。前菜有星星薯餅, 以白合製成雪人模樣, 口感綿密; 蕃茄仔夾著芝士成為聖誕老人, 清甜多汁又有芝士香, 仲有以煙三文魚、三文魚籽沙律嘅聖誕樹。很有心思, 打卡之餘又好食!
第一道刺身擺盤同樣亦係充滿視覺享受, 以食用泡泡同氮氣製成氣泡, 維持幾秒後爆開, 刺身於煙霧中呈現; 鯛魚卷住了海膽, 魚籽醬點驟, 鯛魚為淡味魚配上酸醋, 清新提鮮。
日本兵庫縣黃金武士蠔: size細小但很肥美, 海水味剛剛好, 蠔味突出。
活北寄貝配檸檬汁: 清新、爽甜唔腥
北海道毛蟹+馬糞海膽: 以紫菜包住食, 海膽甘香鮮甜, 入口即溶, 仲有鮮味兼梳梳蟹肉口感
鰤魚火灸過, 蒜蓉做點驟, 味道甘香, 肉質細膩嫩滑
A4和牛烹粉絲: 和牛嫩滑, 夾京蔥一齊食有搶口感, 粉絲彈滑
到壽司環節:深海池魚: 綿滑細嫩, 筋絡有微微爽口
帆立貝: 厚而肥美, 滿足口感, 有鮮香
間八魚: 配柚子胡椒, 魚質爽滑, 胡椒提鮮, 但冇蓋過魚鮮味
象拔蚌: 爽脆唔腥
靜崗金目鯛: 火灸過有焦香味, 魚質滑
養殖銀雪魚, 黑松露醬, 細味有松露清香, 魚質微爽
鯖魚扒包住爽脆蘿蔔絲、青瓜絲, 外層再有脆紫菜包住, 口感有層次, 鯖魚火灸過有焦香味
吞拿魚赤身醬油漬: 醬油漬用以提升鮮味, 魚質綿滑, 但味道偏鹹
中吞拿魚腩: 冇筋, 近乎入口即溶
海膽壽司被紫菜包住, 接過手後師傅更灑上淡雪鹽,
海膽份量澎湃、creamy, 甘甜入口即溶。
蟹真丈清湯: 湯底清甜滋潤, 飲落好舒服, 蟹肉搭配真丈, 鮮味十足!
最後送上甜品, 為兩款生果---日本蜜瓜、士多啤梨, 兩款同樣清甜多汁。
張貼
