豐鮪

營業中

休息中

📍銅鑼灣 豐鮪基本上銅鑼灣有好多餐廳都食過，今日打開OpenRice諗住搵一間日本嘢食午餐，俾我搵到喺希慎隔離嘅一條橫街入邊竟然有一間食吞拿魚嘅專門店，雖然時間已經係晏晝三點幾，但係餐廳都仲有好多人。夢之丼 $168呢一個夢之丼有齊唔同部份嘅吞拿魚，分別有大拖羅、中拖羅、赤身同佢哋最特別嘅迷你魚蓉燒賣。因為佢嘅吞拿魚係由日本食餸，所以佢嘅吞拿魚都好高質，有濃郁嘅吞拿魚味同好新鮮。而佢所有定食都有一碗麵豉湯、蟹膏茶碗蒸、同沙律，好豐富之餘亦都令味蕾超享受。💙 吞拿魚定食-帶子肉餅飯 $148就咁聽個名好似係茶餐廳嘅菜式，其實係吞拿魚蓉加北海道帶子而成嘅刺身丼。佢嘅魚蓉入面有齊吞拿魚嘅唔同部份，食落去層次好豐富，亦都唔會淋到完全冇晒咬口。手切藍鰭吞拿魚燒賣 $32爆漿三文魚籽燒賣 $55佢呢度有另外一個好特色嘅餐點就係用吞拿魚蓉製成嘅燒賣。佢每一嚿吞拿魚蓉嘅底係刺身化，然後面頭加上手切日本藍鰭吞拿魚蓉，再出面用有機大豆豆紙包住，個樣就好似一粒燒賣咁，非常特別。味道方面感覺就好似食緊一啖好多料嘅壽司，大豆豆紙冇咩味，但佢嘅作用就好似紫菜咁令到成嚿燒賣錦上添花。