悅滿軒

行開美孚突然記起呢度有間隱世餐廳，同朋友點都試一試先，二人點左兩個主菜一個甜品自家製麵包職員話自家製，脆邊，軟彈香，不錯，配上牛油，香味就更突出自家製意粉配蟹肉.里考塔芝士.南瓜汁 自制意粉煙煙韌韌，男朋友最愛，仲要整得好出色，啲汁入晒個意粉度，好鮮好濃法國油封鴨髀配南瓜燴薏米.意大利黑醋汁個皮脆卜卜內裡咸香既鴨肉，我通常見到西餐有油塊鴨就會試，大愛，配南瓜薏米都幾特別阿拉斯加焗雪山對呢個有啲期待，因為佢即場點火，好多都整好，無左呢啲驚喜，不過佢用啲酒應該好烈，因為都幾大火，吹完會自燃返，好易燶。外面焦焦地入面凍冰冰，好正，晚餐錦上添花。啲侍應態度都好好，出面就好似去左另一地方咁，有一刻覺得自己唔係香港。