火薈中日火鍋

營業中

休息中

今日同班朋友去太子搵食，入咗間叫火薈中日火鍋，我哋首先試咗個海南椰雞子鍋， 店員一拎個鍋上黎嘅時候，你只會見到一盆清水、椰子同雞，但係其實佢係清澈而且新鮮開嘅椰青水，店員介紹食法係先開爐等啲水滾左，然後就熄咗個爐，再調轉個漏斗，等個漏斗流完之後，就可以打開個蓋食啲雞同飲椰個湯，咁就可以保持住雞既鮮嫩，唔會過火~雞的確係嫩同埋有雞味，但係個湯就更加值得讚，因為真係好清嘅椰子湯，果然係真材實料👍🏻另外重叫左個海鮮拼盤， 入邊有蝦、帶子、龍蝦、蟶子同蠔，上枱嘅時候， 隻隻蝦都仲係不停咁樣郁， 證明佢唔係冰鮮👍🏻而打邊爐又點可以冇肥牛啊， 我哋分別叫左手切本地肥牛同頂級安格斯牛頸脊比較下， 本地肥牛牛味比較重， 肉質比較實，安格斯牛油份比較多， 口感比較軟， 兩款都值得大家去試下。