影片
更多
2022-10-19
326 瀏覽
嘉多利天然酵母手作麵包店 Kadorar et Levain📍 油麻地碧街54號地舖呢次係第二次幫襯嘉多利，人人都知佢嘅布甸麵包好出名，但好可惜我每次嚟得油麻地都係假期，佢哋係唔會出布甸麵包嘅，所以至今都仲未食過呢款遠近馳名嘅麵包。既然一場黎到就睇吓有啲咩比較吸睛嘅產品啦，我同朋友各自都買咗兩個小bagel同一個咖啡鬆餅，唔知好唔好食呢？ 💰$17/2 焙茶奶酥貝果 🫖🥯焙茶味好出，中間嘅醬亦好重焙茶味，麵包口感軟熟得嚟，唔會過多空氣，每一口都好厚實！抹茶紅豆貝果 🍵🥯紅豆勁大粒，抹茶味唔會過濃，呢個味道仲好食過焙茶，因為佢中間白色嘅醬比較甜，加埋紅豆天然嘅甜味，適合好鍾意食甜嘢嘅人。雖然一開始買會覺得呢兩隻bagel好似好細，但我只係食咗每隻味嘅半隻，就已經覺得好飽肚，證明佢真材實料，用靚麵粉做出靚麵包！ 💰$9咖啡鬆餅 ☕️🧁我好鍾意食muffins同scones，加上嘉多利咁出名，所以對佢地嘅咖啡鬆餅抱有好大期望。返到屋企翻熱嘅時候已經聞到成屋好香咖啡味，非常期待食落去嘅感覺。點講好呢佢嘅口感唔似一般嘅鬆餅，其實食落比較似麵包，以鬆餅嚟講佢唔算好好食，但以咖啡麵包嚟講佢就好出色。咖
📍 油麻地碧街54號地舖
呢次係第二次幫襯嘉多利，人人都知佢嘅布甸麵包好出名，但好可惜我每次嚟得油麻地都係假期，佢哋係唔會出布甸麵包嘅，所以至今都仲未食過呢款遠近馳名嘅麵包。既然一場黎到就睇吓有啲咩比較吸睛嘅產品啦，我同朋友各自都買咗兩個小bagel同一個咖啡鬆餅，唔知好唔好食呢？
[價錢 Price]
💰$17/2
焙茶奶酥貝果 🫖🥯
焙茶味好出，中間嘅醬亦好重焙茶味，麵包口感軟熟得嚟，唔會過多空氣，每一口都好厚實！
抹茶紅豆貝果 🍵🥯
紅豆勁大粒，抹茶味唔會過濃，呢個味道仲好食過焙茶，因為佢中間白色嘅醬比較甜，加埋紅豆天然嘅甜味，適合好鍾意食甜嘢嘅人。
雖然一開始買會覺得呢兩隻bagel好似好細，但我只係食咗每隻味嘅半隻，就已經覺得好飽肚，證明佢真材實料，用靚麵粉做出靚麵包！
[價錢 Price]
💰$9
咖啡鬆餅 ☕️🧁
我好鍾意食muffins同scones，加上嘉多利咁出名，所以對佢地嘅咖啡鬆餅抱有好大期望。返到屋企翻熱嘅時候已經聞到成屋好香咖啡味，非常期待食落去嘅感覺。點講好呢佢嘅口感唔似一般嘅鬆餅，其實食落比較似麵包，以鬆餅嚟講佢唔算好好食，但以咖啡麵包嚟講佢就好出色。咖啡味聞落去比食落去香濃，鬆餅唔會太乾，口感厚實，又係一飽肚之選。以呢個價錢食到咁高質素嘅包點，難怪佢長期排長龍咁多人幫襯。
張貼
