Odelice! (新城市廣場一期)

同阿女慶祝生日，見網上嘅食評幾好，膽粗粗試吓，經理侍應個個都好有禮貌，服務亦都照顧所需，提供顏色筆俾我個女畫吓畫喺等待嘅過程冇咁扭計細心嘅服務，對板嘅食物，一次幾好嘅光顧經驗。龍蝦意大利飯已經拆殼十分細心，味道亦都不錯，鴨肝油封鴨髀意粉，鴨肝鴨腿嘅配搭幾唔錯，牛肉他他調味亦都啱啱好，比較驚喜小食拼盤裏面嘅炸丸一初以為係好普通嘅肉丸，食落原來係好creamy 嘅松露餡，好想食多幾粒😍😍沙律菜亦都新鮮好味，比較少喺出邊飲到嘅紅菜頭湯有幾唔錯，清新好味。