影片
更多
2014-07-20
2402 瀏覽
轉工快要兩個月了，沒想到我的中環特集係咁難展開！其一原因係公司包飯，真係無乜機會出去食，其二係使用opensnap後，好多無特別感想的食店都post相了事…這間上海弄堂，原先我也只打算post相了事，但食完後實在忍唔住要寫返出黎俾其他人作參考！環境地點這間上海弄堂在上環九如坊附近，就在熱店九記牛腩和勝香園同一條街不遠處，但食店環境比前兩者好上不少，午市時段不擠人這點不說，食店環境也舒適得多，裝潢充滿中國風味，在炎炎夏天中冷氣也開得夠強勁！如果食物質素不差的話，會是一個很好的用餐選擇！(現在回想間店會咁少人，原來都預示左原因！)食物品評午市menu基本上午餐的優惠是多送一杯凍豆漿，來店前我已做過功課，看人推介排骨擔擔麵，自然選這個一試！凍豆漿 (跟餐送)這杯凍豆漿還不錯，豆味頗濃，較甜但蠻對口味，不錯喝！排骨擔擔麵 中辣 ($58 + 10%)份量不少的一碗擔擔麵，選了中辣，但個人覺得這個辣度只能屬微辣；這個麵是ok的，麵條彈牙，有麵香，配湯汁同吃，味道不錯；而湯汁也算可以，如能更香一點就沒挑剔了！到排骨了排骨送上來時，我已看出這塊排骨不是現炸的，而是放了好一段時間了…雖然無奈，但內心還
這間上海弄堂，原先我也只打算post相了事，但食完後實在忍唔住要寫返出黎俾其他人作參考！
環境地點
這間上海弄堂在上環九如坊附近，就在熱店九記牛腩和勝香園同一條街不遠處，但食店環境比前兩者好上不少，午市時段不擠人這點不說，食店環境也舒適得多，裝潢充滿中國風味，在炎炎夏天中冷氣也開得夠強勁！如果食物質素不差的話，會是一個很好的用餐選擇！(現在回想間店會咁少人，原來都預示左原因！)
食物品評
午市menu
基本上午餐的優惠是多送一杯凍豆漿，來店前我已做過功課，看人推介排骨擔擔麵，自然選這個一試！凍豆漿 (跟餐送)
這杯凍豆漿還不錯，豆味頗濃，較甜但蠻對口味，不錯喝！排骨擔擔麵 中辣 ($58 + 10%)
份量不少的一碗擔擔麵，選了中辣，但個人覺得這個辣度只能屬微辣；這個麵是ok的，麵條彈牙，有麵香，配湯汁同吃，味道不錯；而湯汁也算可以，如能更香一點就沒挑剔了！到排骨了
排骨送上來時，我已看出這塊排骨不是現炸的，而是放了好一段時間了…雖然無奈，但內心還暗暗期望就算凍左可能唔會太差，結果是我錯了 = = … 心裡七上八下的咬了一口，立時得出一個結論：真係好耐無食過咁難食既排骨！！排骨完全唔熱，與室溫同溫，吃起來是又硬又油！因為塊扒已經在廚房攤左好耐，這是自然的事！好吧！那肉質呢？味道呢？亦係一d都唔掂！d肉又乾又柴，完全無肉汁，更係完全無肉味！係無味呀！真係無味呀！如果矇住眼咬下去，我可以斷定無人估到自已食緊既係炸排骨！！呢個排骨真係超級唔掂！而拎得出呢碟野俾人食既店，我都真係覺得有heart極有限，好似當d客係傻瓜咁唔識食！老實講食到塊咁既排骨，都真係幾唔開心！直情有進退維谷之感：唔食，又嘥野又眼冤；食，零enjoy之餘，重無謂地令自己又肥一點，完全地唔值得！！總之就激氣啦！
對呢間店，唔想總結！我明白呢塊凍排骨可能只係一時之作，如果遇著現炸的可能也蠻不錯吃，但一間食店如果keep唔到自己既出品既話，都係有問題！總之，我只覺得今日個weekend lunch被ruin了！
題外話/補充資料：
食完後內心太不平衡了，忍唔住要返返中環永樂園食返個雙腸狗溝淡d，慰藉一下受創心靈！
(以上食評乃用戶個人意見 , 並不代表OpenRice之觀點。)
張貼
