段純貞牛肉麵 (如心廣場一期)

營業中

休息中

同朋友久仰大名，終於有機會嚟試下呢間臺灣牛肉麵店。鋪頭主打牛肉麵，我唔好牛筋，嗌咗個紅燒牛肉麵（手打麵），而我朋友就嗌咗個麻辣半肉半筋麵（都係手打麵）。先講我個碗牛肉麵。佢嘅湯底好濃，好醒胃！而個牛肉真係好似臺灣嘅牛肉麵咁樣浸到好淋。要知道香港無幾多間牛肉麵嘅牛肉係真係煲得淋嘅，所以呢間嘅牛肉麵我好欣賞而我朋友都對佢個碗麻辣麵讚賞有加，話啲肉好好。只不過佢唔太頂得順呢到嘅麻辣，所以唔係好食得麻辣嘅人可能要諗真啲先好嗌啦。最令我驚喜嘅其實唔係麵，而係鹽酥雞。佢嘅鹽酥雞雖然貴，但大份，好足料。更重要嘅係，佢嘅鹽同胡椒味都好出，唔會好似出面做嘅一味死鹹。呢碟小食我推薦大家食！