滾得棧

營業中

休息中

最近天氣凍左, 想打下邊爐, 朋友話帶我黎呢到打邊爐, 話頂瓜瓜, 食物新鮮, 因為朋友有車, 所以揸車入深井比較方便, 朋友巳預先訂好位, 黎到附近有代客泊車服務。入到黎人客坐左一半到, 食下食下開始愈來愈多客。入面枱椅以木為主, 簡潔舒服, 無咁商業化。朋友之前食過, 介紹食牛脊肉, 本身自己對牛一般興趣, 點知有意外驚喜!脂肪分佈完美既牛脊肉, 第一次食, 好有牛肉美, 肉質嫩滑, 真係打邊爐第一次食到咁好味既牛肉。象拔蚌刺身, 厚薄適中, 好鮮甜帶點彈口, 點上wasabi豉油, 更覺滋味, 本人覺得生食比焯熟更好食。手打蝦滑, 可以見到好大隻蝦係裏面, 煮熟真係好彈口, 啖啖蝦肉。聖子夠大隻, 綠一綠食, 好鮮甜。其他食物, 肉丸都好好食。真係好難搵到咁高水準既食店。只可惜係交通唔係咁方便。