影片
更多
2025-05-26
0 瀏覽
之前喺太子附近返工，呢間豐信餃子店已經嚟過好多次，果陣時細細間但已經爆曬人，估唔到而家擴張埋隔離，地方大咗好多，但人氣依然爆燈！今次經過見佢多咗好多小食，所以我哋每樣都淺嘗一下～唔講咁多，直接同大家分享今次試食嘅經典餃子同小菜～👇 🟣紫甘藍粟米鮮肉餃拼菇鮮肉餃（10隻）呢款餃子可以話係豐信嘅招牌特色之一，紫甘藍餃子喺其他地方都比較少見，餃子餡料鮮甜，配埋椰子海帶鮮雞豬骨濃湯底，湯底香濃唔會太膩，餃子又大隻，真係perfect配搭！🍲 🍁芫茜鮮肉餃拼南瓜粟米鮮肉餃（10隻）芫荽控必試！呢個餃子我每次嚟都必食，香氣十足，配埋煎餃嘅金黃外皮，仲加咗邪惡嘅鹹蛋黃金沙鋪面，鹹香濃郁，簡直係靈魂升華！🧈✨ 🍢招牌秘汁拼盤拼盤入面有金錢展、雞腎、雞翼同滷水蛋，每樣都入味得嚟唔會太重口，特別係雞腎，淋淋軟軟，食落口感一流，肉食朋友一定唔可以錯過！👍 🍗甜蜜蜜雞中翼（3隻）雞翼甜甜地，有啲滷水汁嘅香味，入口好juicy，雖然拼盤入面都有雞翼，但呢款味道依然係唔會膩，值得一試～ 🍳酸薑流心皮蛋流心皮蛋真係流心，配埋酸薑同砂糖一齊食，酸甜平衡得宜，呢個小食好有層次感，推介！ 🍴香煎豆腐三件豆腐煎
之前喺太子附近返工，呢間豐信餃子店已經嚟過好多次，果陣時細細間但已經爆曬人，估唔到而家擴張埋隔離，地方大咗好多，但人氣依然爆燈！
今次經過見佢多咗好多小食，所以我哋每樣都淺嘗一下～
唔講咁多，直接同大家分享今次試食嘅經典餃子同小菜～👇
🟣紫甘藍粟米鮮肉餃拼菇鮮肉餃（10隻）
呢款餃子可以話係豐信嘅招牌特色之一，紫甘藍餃子喺其他地方都比較少見，餃子餡料鮮甜，配埋椰子海帶鮮雞豬骨濃湯底，湯底香濃唔會太膩，餃子又大隻，真係perfect配搭！🍲
🍁芫茜鮮肉餃拼南瓜粟米鮮肉餃（10隻）
芫荽控必試！呢個餃子我每次嚟都必食，香氣十足，配埋煎餃嘅金黃外皮，仲加咗邪惡嘅鹹蛋黃金沙鋪面，鹹香濃郁，簡直係靈魂升華！🧈✨
🍢招牌秘汁拼盤
拼盤入面有金錢展、雞腎、雞翼同滷水蛋，每樣都入味得嚟唔會太重口，特別係雞腎，淋淋軟軟，食落口感一流，肉食朋友一定唔可以錯過！👍
🍗甜蜜蜜雞中翼（3隻）
雞翼甜甜地，有啲滷水汁嘅香味，入口好juicy，雖然拼盤入面都有雞翼，但呢款味道依然係唔會膩，值得一試～
🍳酸薑流心皮蛋
流心皮蛋真係流心，配埋酸薑同砂糖一齊食，酸甜平衡得宜，呢個小食好有層次感，推介！
🍴香煎豆腐
三件豆腐煎到金黃香脆，表面灑咗少少鹽粉，簡單但又好惹味，係餃子以外嘅驚喜小菜～
🥢涼拌海蜇
份量好夠，爽口清新，係消暑開胃嘅必備選擇～
🥛豆漿（支）
飲品方面就正常發揮，解渴又平衡餃子嘅重口味～
擴張後嘅豐信地方大咗，環境舒服咗，但水準依然同我2年前食差唔多～無論餃子種類定小菜都多選擇，啱晒同朋友或者家人聚餐！🤤
張貼
