影片
更多
2022-07-04
76 瀏覽
突然好想打邊爐，就興起約咗朋友放工入荃灣食，之前經過佢地嘅元朗分店已經好想試吓，原來荃灣都開咗一間分店呢！宮廷風作主題，在內進餐都感覺份外有氣派，有卡位亦有普通枱，除咗中間走廊偏窄外，都無挑剔地方。一入座員工會幫忙洗碗，這點是頗貼心的。點菜後都好快上菜，我地揀咗個龍躉片木瓜魚湯鍋底，上枱仙氣噴發，十分有噱頭！而內裡嘅湯料都十足，有木瓜、龍躉魚片、金菇、滑溜豆腐，咁豐富都唔需要再點蔬菜了。另一重頭戲係日本九州A4黑毛和牛拼盤，7款和牛不同部位都可以試勻，真係食成頭牛咁呢~和牛睇落已經知道油脂比例好均稱，有啲部位會較重脂香，而我最鍾意就係腹心肉，腍嫩得嚟唔會太重油份，牛味頗濃。當然封門柳、牛小排都係必食啊！不少得點佢地自家製餃子及丸類，蟹餃好深橙色，食落幾鮮又飽滿。芝士牛丸面頭已經有絲絲芝士，入面都好濃郁芝味，丸質感都幾彈牙。更驚喜係梅酒凍豆腐，一聞真係有酒香，煮完都有淡淡酒味，個原理同味道都幾似花雕製法咁！份量都唔少，不錯呢！飲品方面都好有特色，平時太熱氣，所以點了蜂蜜菊花茶清清地飲吓。用咗古色古香嘅器皿去盛載，飲落幾清香，唔會太甜，啱晒我。另外友人點了啤酒，配火鍋一流啦！
宮廷風作主題，在內進餐都感覺份外有氣派，有卡位亦有普通枱，除咗中間走廊偏窄外，都無挑剔地方。一入座員工會幫忙洗碗，這點是頗貼心的。
點菜後都好快上菜，我地揀咗個龍躉片木瓜魚湯鍋底，上枱仙氣噴發，十分有噱頭！
而內裡嘅湯料都十足，有木瓜、龍躉魚片、金菇、滑溜豆腐，咁豐富都唔需要再點蔬菜了。
另一重頭戲係日本九州A4黑毛和牛拼盤，7款和牛不同部位都可以試勻，真係食成頭牛咁呢~
和牛睇落已經知道油脂比例好均稱，有啲部位會較重脂香，而我最鍾意就係腹心肉，腍嫩得嚟唔會太重油份，牛味頗濃。
當然封門柳、牛小排都係必食啊！
不少得點佢地自家製餃子及丸類，蟹餃好深橙色，食落幾鮮又飽滿。
芝士牛丸面頭已經有絲絲芝士，入面都好濃郁芝味，丸質感都幾彈牙。
更驚喜係梅酒凍豆腐，一聞真係有酒香，煮完都有淡淡酒味，個原理同味道都幾似花雕製法咁！份量都唔少，不錯呢！
飲品方面都好有特色，平時太熱氣，所以點了蜂蜜菊花茶清清地飲吓。
用咗古色古香嘅器皿去盛載，飲落幾清香，唔會太甜，啱晒我。另外友人點了啤酒，配火鍋一流啦！
張貼
