文東記

營業中

休息中

星加坡老字號襲港！望到啲相都流口水，今日終於早少少收工，逃避咗晚市嘅熱潮就去開飯！！！✨美味白切雞半隻餐廳嘅雞一上枱就感受到雞油嘅充份，雞皮剔透，肉質嫩滑。基本上冇過分嘅調味，反而可以因應自己鍾意嘅醬汁去點配！真心覺得例牌唔夠兩個人食，既然招牌就嗌咗半隻。✨蝦仁炒蛋份量都幾多，炒蛋滑捋捋蝦仁爽彈，加咗少量嘅韭黃，把成碟小菜嘅精髓帶咗出嚟。✨燉湯餐廳有三款燉湯可以揀，相信全部都好夠火候，推薦大家叫返一碗！今日我就揀咗蟲草花燉豬脊骨，一上枱就聞到好清香嘅蟲草香氣，飲落湯頭清甜濃郁。✨森巴通菜通菜翠綠炒得爽嫩，加入咗森巴醬就更加惹味。✨香印金萱烏龍打開個樽蓋就聞到好香嘅香印味，茶味清新解膩。