合益泰小食

營業中

休息中

今日中午到深水埗，深水埗美食何其多，但我最有興趣試的是合益泰的腸粉，在Openrice 深水埗區位列頭三位，自然有其理由。一出地鐵站口，行兩步，已經見到有長隊，門邊站了不少人食腸粉，就知名聲有多響。幸好我孤身一人，揾位容易，第一當然要試腸粉，真是名不虛傳，滑滑腸粉夠彈牙，再配上甜醬和炒過的芝麻食簡直一絕，平時食的腸粉不是蒸過頭就是粉太多，總之就不夠實，但這間的腸粉條條分明，食時完全沒有糊口，雖然腸粉較平時糼身，但以女生的胃腩食十條也未免太多，最後有食滯的感覺。另外，還叫了豬皮魚蛋，但味道一般，魚蛋好實好足料，不像其他店加大量的粉令魚蛋有QQ口感，但相比腸粉就相形見拙。我理解平民美食有時難以事事完美，不過豬皮上有咁大咁硬條毛......好像.....最後還打包一個細腸粉給我皇太后呢，連她老人都讚賞。