Park café

見到宣傳海報影出來以花語為主題的下午茶自助餐，幾吸引,加上like 社交平台仲有折，二百蚊多D食兩小時下午茶自助餐,地點又方便近尖沙咀地鐵站,於是去試吓.地鐵尖沙咀站B2出口出，上到地面沿住金馬倫道直行3分鐘（淸真寺反方向）望住左邊便見百樂酒店入口，搭𨋢上四樓便是park cafe. 食物款式不算少，乜都有D, 沒有貴價食材,但相當精緻. 大部份食物味道都ok,侍應也有禮貌,環境新淨，雖然坐滿人,但食物也很快填補下一盤，間中換上新款式食品,但用餐時間得兩小時較短，雖然以花語為主題,好似只有食到桂花味食物,海報上的食品可能係輪流推出. 仲有燒賣,叉燒包, 魚生,朱古力噴泉,中湯，鮑魚雞絲粥,班㦸,雪糕等等食品.這里飮品自助,咖啡,可樂,橙汁,冇糖紅茶. 每樣試吓都食到好飽。