影片
更多
2012-02-16
130 瀏覽
因為見到食評話有特色的炒飯畫公仔表演, 所以年初三來試試.我哋比較早到, 坐低後睇menu覺得幾個set都唔太啱食, 因為我哋都唔太鍾意食鮑魚同龍蝦, 所以就散叫啲自己鍾意食嘅嘢. 落order時個staff就游說我哋叫餐, 我哋話啲餐唔啱食, 佢就話可以將啲嘢改吓. 我哋覺得既然要改咁多所以最後都係堅持散叫. 不過我哋都有叫個秋田炒飯, 而且最終張單兩個人都要成七百蚊, 都唔係好cheap啦! 但係我哋得到嘅就係俾人白鴿眼嘅感覺囉...首先, 個師傅埋枱後一直無同我哋講嘢, 唔係低頭燒嘢就係行咗去. 我哋以為係咁所以都不以為然. 呢個時候開始有其他客人嚟, 同我哋坐同一張枱. 個師傅就變得好友善又健談, 猛咁同佢哋傾計講爛gag. Anyways, 我哋嚟食飯都唔係為傾計所以都算了. 到做我們的炒飯時沒有任何畫公仔, 炒完就俾我哋, 連隔離位嗰啲客人都細細聲話"乜唔係有畫公仔架咩?" (當時師傅行開咗)於是我哋食完就喺度等, 睇吓個師傅幫其他客人炒佢哋個set入面嘅秋田炒飯, 卒之果然不出我哋所料個師傅問佢哋"想畫咩公仔呀?" 又幫先用蛋在鐵板上寫"新年快樂 身體健康" 我哋當堂覺得
我哋比較早到, 坐低後睇menu覺得幾個set都唔太啱食, 因為我哋都唔太鍾意食鮑魚同龍蝦, 所以就散叫啲自己鍾意食嘅嘢. 落order時個staff就游說我哋叫餐, 我哋話啲餐唔啱食, 佢就話可以將啲嘢改吓. 我哋覺得既然要改咁多所以最後都係堅持散叫. 不過我哋都有叫個秋田炒飯, 而且最終張單兩個人都要成七百蚊, 都唔係好cheap啦! 但係我哋得到嘅就係俾人白鴿眼嘅感覺囉...
首先, 個師傅埋枱後一直無同我哋講嘢, 唔係低頭燒嘢就係行咗去. 我哋以為係咁所以都不以為然. 呢個時候開始有其他客人嚟, 同我哋坐同一張枱. 個師傅就變得好友善又健談, 猛咁同佢哋傾計講爛gag. Anyways, 我哋嚟食飯都唔係為傾計所以都算了. 到做我們的炒飯時沒有任何畫公仔, 炒完就俾我哋, 連隔離位嗰啲客人都細細聲話"乜唔係有畫公仔架咩?" (當時師傅行開咗)
於是我哋食完就喺度等, 睇吓個師傅幫其他客人炒佢哋個set入面嘅秋田炒飯, 卒之果然不出我哋所料個師傅問佢哋"想畫咩公仔呀?" 又幫先用蛋在鐵板上寫"新年快樂 身體健康" 我哋當堂覺得有無搞錯! 而最後, 我哋終於得到師傅開金口同我哋講嘅唯一一句說話: "你哋叫咁多飯, 夠晒飽肚啦可?" (除咗秋田炒飯之後我哋仲有叫壽司)
平心而論呢度嘅嘢食亦並唔係特別好食, 加上咁樣嘅服務態度, 我就一定唔會再嚟嘞~
張貼