神山麺屋 (創紀之城五期(apm))

營業中

休息中

一直都想試下神山麵屋，但係由於次次經過都有好長既隊所以都無試到。今次有少少時間就排下隊，結果等左大概15分鐘就入得。餐廳燈光有少少暗，不過日本風裝修加上人多，非常熱鬧有氣氛。我最鍾意就係門口三個螢幕播住既日本公仔，同牆既公仔互相配合，好有心思。入到去打開餐牌基本上同其他既麵屋企分別不大，都係拉麵、沾麵、日本小食等等。最後淨係叫左個白神山沾汁麵，量黎講有啲少不過如果有埋小食就應該足夠。叉燒比預期中大片同入味，半熟蛋既火候都唔錯、口感一流，而沾汁既味道濃而不膩，令我有少少驚喜。😂下一次一定要試下其他味既沾汁麵同特色小食。