麵尊

營業中

休息中

今日又搵嘢食啦，喺銅鑼灣登龍街呢一間車仔麵（麵尊）。叫咗一個五餸嘅車仔麵，豬紅：無血腥味，又咬口亦軟腍，滷得入味，唔會一咬就散，正！咖喱魚蛋：係炸過嘅魚蛋，魚蛋有魚味，但有點未夠彈牙，咖喱唔算好入味，不過不失。咖喱魷魚：土魷，咖喱醬濃郁，不是醃製度變晒色嗰隻，新鮮，應該要有嘅都比到。咖喱牛柏葉：咖喱醬濃郁，完全可以滲入牛柏葉內，爽口彈牙。五香牛腩：不是以往的牛腩，夾起嘅時候比較長身，紋路奚落有點不似牛腩，但鬆軟，有口咁，算係唔錯。粗麵：爽口冇鹼水味，掂。湯低：清湯但濃郁，今次有啲貪心，味道上我揀咗，腩汁，咖喱汁，麻辣汁，綜合起所有味道都唔錯，係有一定嘅吸引到嘅車仔麵，正。但食完之後係有啲口渴嘅。