牛摩 (上水廣場)

營業中

休息中

下晝突然間想打邊爐，之前已經嚟過食覺得正正常常都抵食，所以今日又過嚟，平日2pm入座揀咗個個半鐘頭任食，當時個場唔多人全場6-7枱客，被安排坐側邊二人座位，我同老公覺得好迫問可唔可以坐卡位坐，個男職員同我哋講啲卡位唔坐得，係四人座位喎，都係兩個人坐，有兩個女人仲要係一個人坐4人坐位。最後坐咗喺單邊四人座位，坐低咗之後仲要臭串話平時冇得揀位喎，我真係心諗你以為你個場好爆咩…咁多位都要兩人坐得咁迫，仲要不知所謂咁串坐低咗都仲要加多句平時冇得揀位喎！呢次一定係最後一次，真心難怪啲人寧願北上消費！飲食業有呢啲職員真係死得！補充一句之前嚟食過 啲女職員都好好，仲教點樣join會員。