影片
更多
2022-02-17
947 瀏覽
香港地時常有餐廳隱藏喺大廈之內，今次如果唔係同事帶路都唔識嚟。話說某日外出工作，lunch時production同事想喺尖沙咀食平民野，唔好咁貴又飽肚，就帶咗我去呢間聯威，佢個門口要進入大廈大門，然後見到一個好似天井位竟然有間茶餐廳喺度，堅隱世。不過隱世又是否一定好味呢～環境☑️☑️呢個環境當然唔會係好靚，純粹老茶一間，聽講呢度係好多司機大佬、導演攝影師嘅飯堂，即係好多男人！味道☑️☑️☑️佢成個Menu最吸引就係啲「皇袍乜乜物物」，個皇袍其實係用鮮奶炒蛋，所以個蛋會帶點奶白色，會較為滑身。我今次揀皇袍叉燒飯，個蛋幾滑唔錯，只係個叉燒較為差，切得厚之餘又有少少乾身，完全好貼切男人竇食男人嘅粗豪叉燒飯。性價比☑️☑️☑️一個碟頭飯加杯凍檸茶，盛惠$63，喺尖沙咀唔算貴唔算平啦，勝在坐位唔逼，又唔趕你走。
環境☑️☑️
呢個環境當然唔會係好靚，純粹老茶一間，聽講呢度係好多司機大佬、導演攝影師嘅飯堂，即係好多男人！
味道☑️☑️☑️
佢成個Menu最吸引就係啲「皇袍乜乜物物」，個皇袍其實係用鮮奶炒蛋，所以個蛋會帶點奶白色，會較為滑身。我今次揀皇袍叉燒飯，個蛋幾滑唔錯，只係個叉燒較為差，切得厚之餘又有少少乾身，完全好貼切男人竇食男人嘅粗豪叉燒飯。
性價比☑️☑️☑️
一個碟頭飯加杯凍檸茶，盛惠$63，喺尖沙咀唔算貴唔算平啦，勝在坐位唔逼，又唔趕你走。
皇袍叉燒飯
$63
27 瀏覽
0 讚好
0 留言
叉燒一嚿
22 瀏覽
0 讚好
0 留言
張貼
