得閒飲茶

營業中

休息中

本來想食點心放題，奈何好多都係要兩位，由於我邀請唔到朋友同我去，今日落完大角咀蒸腳，我周圍search搵一間好食嘅點心舖，自私食😂 search到太子有間叫得閒飲茶嘅點心專門店，係即叫即蒸，望吓啲相片都好吸引，有個叫做春風得意腸，我之前喺第二間酒樓食過，見其他點心賣相都唔錯，咁就去嗰度試吓先。我叫醬皇蒸鳳爪，香西牛肉腸，春風得意腸，千島醬蘿蔔糕，蟲草花魚翅餃，黑椒牛仔骨蒸籠仔飯，沙爹金錢肚，紫薯流心煎堆仔，陳村粉蒸排骨，3.6太陽布甸，總括嚟講我全部都鍾意食，唯一係個千島醬蘿蔔糕比較漏，春風得意腸，得豉油點如果可以加多一兩款醬汁點會更加吸引，牛仔骨蒸飯，牛仔骨好腍，啲汁撈埋啲飯好好食，而最驚喜係個紫薯流心煎堆仔，嚟到熱辣辣，咬落去外脆內軟，咸蛋王心流晒出嚟，小心辣嘴，之後我忍唔住叫多一份，即係一次過食咗六個😂有有時間一定會再嚟😌