影片
更多
2025-05-31
149 瀏覽
{由前菜滿足到甜品嘅一餐 - $627}食嘢能夠有一種賓至如歸嘅感覺真係好感動，Owens除咗服務優質，食物質素真心係正！呢度最開心嘅係有好多種唔同嘅小食，麻甩女人最鍾意！未食完呢餐已經睇定食物，計劃下一次再嚟！♦️南瓜忌廉湯是日餐湯，係特濃嘅南瓜忌廉湯，南瓜香甜，作為一餐嘅好開始！♦️酥炸吉列生蠔、水牛城雞翼、意式白酒煮蜆未開始食正餐之前先來三個經典小食，生蠔炸得非常香脆，雖然食得出係來貨，但係炸嘅時間剛剛好，保留到蠔嘅鮮味，值得讚！水牛城雞翼又係炸到非常香脆，調味一流！如果加埋個乳酪醬就天下無敵！意式白酒煮蜆，好香濃嘅白酒香味，呢度嘅特別之處係用唔少嘅蒜頭，除咗蜆嘅鮮味，更加令到成碟餸更加惹味！♦️蒜蓉/芝士焗扇貝兩個人食嘢，最好就係可以每人叫少少，呢度嘅焗扇貝可以兩隻兩隻咁叫！每種味可以叫兩隻，喺豐富嘅晚餐底下淺嘗實在係正！扇貝超級新鮮，意外驚喜係芝士焗嗰隻上面仲有薯蓉，真係令人難忘咁好味！♦️美國牛小排燒汁意大利飯講咗咁耐終於嚟到主菜，牛小排真係有份吸引力，無論點樣煮都係超正，但係配燒汁意大利飯就真係第一次，原來燒汁加埋牛肉汁煮出嚟嘅意大利飯，超級香濃，每一啖都極級
食嘢能夠有一種賓至如歸嘅感覺真係好感動，Owens除咗服務優質，食物質素真心係正！呢度最開心嘅係有好多種唔同嘅小食，麻甩女人最鍾意！未食完呢餐已經睇定食物，計劃下一次再嚟！
♦️南瓜忌廉湯
是日餐湯，係特濃嘅南瓜忌廉湯，南瓜香甜，作為一餐嘅好開始！
♦️酥炸吉列生蠔、水牛城雞翼、意式白酒煮蜆
未開始食正餐之前先來三個經典小食，生蠔炸得非常香脆，雖然食得出係來貨，但係炸嘅時間剛剛好，保留到蠔嘅鮮味，值得讚！水牛城雞翼又係炸到非常香脆，調味一流！如果加埋個乳酪醬就天下無敵！意式白酒煮蜆，好香濃嘅白酒香味，呢度嘅特別之處係用唔少嘅蒜頭，除咗蜆嘅鮮味，更加令到成碟餸更加惹味！
♦️蒜蓉/芝士焗扇貝
兩個人食嘢，最好就係可以每人叫少少，呢度嘅焗扇貝可以兩隻兩隻咁叫！每種味可以叫兩隻，喺豐富嘅晚餐底下淺嘗實在係正！扇貝超級新鮮，意外驚喜係芝士焗嗰隻上面仲有薯蓉，真係令人難忘咁好味！
♦️美國牛小排燒汁意大利飯
講咗咁耐終於嚟到主菜，牛小排真係有份吸引力，無論點樣煮都係超正，但係配燒汁意大利飯就真係第一次，原來燒汁加埋牛肉汁煮出嚟嘅意大利飯，超級香濃，每一啖都極級美味！呢個我覺得大家都要叫一次！
♦️美國安格斯肉眼扒
雖然牛扒係你估得到嘅美味，但係呢度用料新鮮，煮嘅時間剛剛好，超香牛味，而且配菜都炒到熱辣辣，係一份好好嘅牛扒！
♦️伯爵茶麻糬提拉米蘇 + 黑芝麻提拉米蘇
香濃嘅伯爵茶，食落去入面仲有麻糬！呢個提拉米蘇真係好高質，性價比超高！本麻甩非常明白點解啲人專登過嚟食甜品！老闆見我哋食到津津有味，仲請我哋食餐牌仲未見到嘅黑芝麻提拉米蘇，真心受寵若驚，本麻甩更加喜歡食呢個，佢絕對符合香港人對甜品嘅最高評價「唔係太甜」！希望呢一個正式入到餐牌之後我會再叫！
美味程度：😋😋😋😋😋
環境指數：🎇🎇🎇🎇
番食機會：🦍🦍🦍🦍🦍🦍
📍 #Owens (將軍澳)
將軍澳唐德街9號將軍澳中心1樓135A號舖
張貼
