影片
更多
2025-04-12
88 瀏覽
估你唔到法國餐同朋友去咗一間荔枝角道嘅法式餐廳聽講個主廚以前喺米芝蓮餐廳做過有啲信心保證所以膽粗粗就入咗去試吓點知原來真係幾好食👷🏻♀️工人鮮炸薯條🍟呢個薯條好特別有四款醬可以揀檸檬茄汁、黑松露醬、燒烤醬、黑蒜醬叫咗我哋最鍾意嘅黑松露醬 同埋未試過嘅🧄黑蒜醬啲薯條擺咗一陣都仲係超級脆黑松露醬好有誠意好香 係沙律醬加啲黑松露碎碎唔係嗰啲超市買嘅一張張黑松露加沙律醬黑蒜醬唔係我哋平時嗰種蒜頭味佢係有少少香氣有少少酸酸甜甜咁 越食越上癮🤤未試過嘅一定要嚟試吓其他地方都冇見過問返原來係廚師自己整嘅醬 唔係剩係gimmick係真係好食🥹跟住嗌咗一個五道菜嘅set有小食、頭盤、意粉、主菜同甜品小食係固定無得揀既🌸櫻花蝦三文魚、鴨肉春卷、煙燻花雕鵪鶉蛋🦆我覺得三樣入面最出色就係個鵪鶉蛋🥚花雕味香得來呢唔會覺得太苦太酒精佢仲要係流心蛋超級出色好意想不到🇮🇹蘭王蛋招牌卡邦尼自家製雲吞🐣個雲吞皮有少少煙靭然之後入面超多芝士配埋個蛋汁完全唔膩 芝士味濃所以蛋味唔算好出但係溝埋唔滯 點埋個超級脆嘅多士食就啱啱好🍝鮑魚紅蝦天使麵🦐因為個set嘅份量超級多所以呢就唔係好食得晒但係呢個意粉都會令我哋好想食晒佢紅蝦
同朋友去咗一間荔枝角道嘅法式餐廳
聽講個主廚以前喺米芝蓮餐廳做過有啲信心保證
所以膽粗粗就入咗去試吓點知原來真係幾好食
👷🏻♀️工人鮮炸薯條🍟
呢個薯條好特別有四款醬可以揀
檸檬茄汁、黑松露醬、燒烤醬、黑蒜醬
叫咗我哋最鍾意嘅黑松露醬 同埋未試過嘅🧄黑蒜醬
啲薯條擺咗一陣都仲係超級脆
黑松露醬好有誠意好香 係沙律醬加啲黑松露碎碎
唔係嗰啲超市買嘅一張張黑松露加沙律醬
黑蒜醬唔係我哋平時嗰種蒜頭味佢係有少少香氣
有少少酸酸甜甜咁 越食越上癮🤤
未試過嘅一定要嚟試吓其他地方都冇見過
問返原來係廚師自己整嘅醬
唔係剩係gimmick係真係好食🥹
跟住嗌咗一個五道菜嘅set有小食、頭盤、意粉、主菜同甜品
小食係固定無得揀既
🌸櫻花蝦三文魚、鴨肉春卷、煙燻花雕鵪鶉蛋🦆
我覺得三樣入面最出色就係個鵪鶉蛋🥚
花雕味香得來呢唔會覺得太苦太酒精
佢仲要係流心蛋超級出色好意想不到
🇮🇹蘭王蛋招牌卡邦尼自家製雲吞🐣
個雲吞皮有少少煙靭然之後入面超多芝士
配埋個蛋汁完全唔膩 芝士味濃所以蛋味唔算好出
但係溝埋唔滯 點埋個超級脆嘅多士食就啱啱好
🍝鮑魚紅蝦天使麵🦐
因為個set嘅份量超級多所以呢就唔係好食得晒
但係呢個意粉都會令我哋好想食晒佢
紅蝦味都幾出 鍾意食海鮮嘅唔好錯過
🐟燒白味噌黑鱈魚🇯🇵
成個set朋友話呢個係最好食嘅
啲魚好高質係可以一疏疏分開然之後啲肉好滑
有時食出面嗰啲會好大浸魚油味有少少腥
呢間有魚嘅香味 但係完全唔腥 啲肉滑得來又唔油
我好鍾意佢個伴碟應該係一啲蒜蓉嘅Puree
好香佢嘅蒜頭唔係一般嗰種中式嘅香蒜味
🐷煙燻美國IBP法式穀飼豬鞍🍽️
全日我覺得最好食嘅就係呢一個個豬勁香豬味
雖然佢好厚但中心都食到一啲鹽啊黑椒嘅調味
上面個芥末醬有少少辣但係完全唔會令到你唔舒服
配蘋果紅棗泥甜甜地 都會有一啲衝擊
個豬鞍邊會有少少肥膏但係食落爽脆
層脂肪亦都唔會太厚比例啱啱好連骨嘅部份特別好食
🍰自製巴斯克蛋糕配蘋果棗泥🧀
食埋甜品就係一個好美好嘅總結
個蛋糕唔至於流心但係中間係滑同埋少少軟心
比起出面硬身或者流嘅呢就啱啱介乎係中間
我自己就好鍾意呢個口感😍
總結
餐廳地點唔算近地鐵站 但係就可以遠離好多人嘅地方
🍸都係一個情侶拍拖同埋朋友傾偈嘅好地方
佢哋嘅醬汁同埋配菜都做得好仔細又好多款
然之後主菜嘅材料係超級好好值得去食
我諗我會為咗呢度嘅主菜同甜品再返嚟食過😙
門口有白雪公主牌 矮過白雪公主仲會有折😌
😏快啲約埋生得的骰又可愛嘅公主黎食
張貼
