馬來椰爺

營業中

休息中

呢間小店真係要大贊，佢哋好貼心咁樣為排隊嘅顧客提供雨傘，等排緊隊嘅人喺咁熱嘅天氣之下可以唔使大汗踏細汗咁等着，而且佢哋亦都寫話可以向佢哋索取冰水，令人覺得好貼心。食物方面，店家標榜佢哋嘅喇沙係自家調配，好友獨家風味。而且因為冇落味精，飲完之後我唔覺得口渴，而且好好飲所以飲晒啲湯😂軟殼蟹超級大隻，店家亦都係超級貼心，一早已經去晒蟹䐳等等唔食得嘅部位，而且入面好多膏，好好食😍另外個雪糕咖央多士都超級好食，店家標榜佢哋自製斑斕醬，配上雪糕同埋燒到脆脆地嘅多士，脆卜卜嘅多士加埋斑斕雪糕，係我食過最好食嘅斑蘭多士。