花火漁屋 (已結業)

原本諗住係屋村商場嘅餐廳仔所以冇咩期望，結果都幾有驚喜！食得出係有用心製作，味道一點都唔馬虎。店員亦親切有禮。特盛刺身丼$158刺身丼的飯係用咗醬油同醋調味，味道不單調。刺身有三文魚，吞拿魚，帶子，油甘魚和甜蝦，全部都好新鮮冇腥味，而且好厚切！至尊牛肉鍋（壽喜燒）$98有唔同湯底可以揀，我哋揀咗壽喜燒湯底，味道啱啱好，唔會過咸或者過淡。牛肉份量都算多，有另外一款貴啲嘅牛肉鍋我哋冇揀到，呢款已經算係肉質不錯。入面仲有金菇，菜，豆腐，冬菇等等。加$25可以加烏冬或者拉麵，不過我覺得唔加都已經夠食。櫻花蝦豆腐 $38呢道菜都幾特別，因為佢用咗櫻花蝦代替炸粉，豆腐外皮是滿滿的櫻花蝦，蝦味濃郁。豆腐好香好滑。配埋個汁簡直係絕配。煙肉帶子$28煙肉車厘茄$22煙肉有少少偏厚，如果薄D會更好。配車厘茄一旦咬落去非常多汁好Juice，所以食串燒我一定叫呢款。串燒白鱔$48魚皮燒得好脆，魚肉鮮嫩清酒煮蜆$68清酒味濃郁，蜆肉完全無沙，份量都多。明太子雞翼（2隻）$48燒得好香脆，入面滿滿都係明太子，但都唔會過咸。