影片
更多
2018-06-29
332 瀏覽
東涌幾年前經常出入，自從間戲院無左就少入去喇，近日因為去送機所以走左轉，北冀地下出口，原本係書局嗰層，嚟左個大變身，變哂食肆，而覺得裝修得最有氣派莫過于滿樂潮州，於是入去先食一轉early dinner 至出返九龍； 侍應招呼殷勤，茶款亦多選擇，有菊花、普珥、鐵觀音、香片、水仙、壽眉，菊花唔係好多酒家有，所以要左菊花，而菊花分量都好足，未斟而聞到清香嘅菊花味；餐前三小碟前菜，青瓜雲耳，大芥菜，白蘿蔔，全部good good good，甜、鹹、酸、醋味道做到啱啱好，用料唔會因爲係前菜而馬虎；沙茶牛肉炒河，牛肉大大片，肉嘅份量亦唔孤寒，下面每條河粉都沾滿沙茶；方魚炒芥蘭，大棵嘅芥蘭至爽脆甜，可惜外皮會比較厚，容易食到渣，而滿樂好有心機，將每條芥蘭都削走厚皮，令客人食到條條都嫩綠；椰汁桂花糕，小妹最鐘意食桂花糕，講真唔太差，但有改善空間。
侍應招呼殷勤，茶款亦多選擇，有菊花、普珥、鐵觀音、香片、水仙、壽眉，菊花唔係好多酒家有，所以要左菊花，而菊花分量都好足，未斟而聞到清香嘅菊花味；
餐前三小碟前菜，青瓜雲耳，大芥菜，白蘿蔔，全部good good good，甜、鹹、酸、醋味道做到啱啱好，用料唔會因爲係前菜而馬虎；
沙茶牛肉炒河，牛肉大大片，肉嘅份量亦唔孤寒，下面每條河粉都沾滿沙茶；
方魚炒芥蘭，大棵嘅芥蘭至爽脆甜，可惜外皮會比較厚，容易食到渣，而滿樂好有心機，將每條芥蘭都削走厚皮，令客人食到條條都嫩綠；
椰汁桂花糕，小妹最鐘意食桂花糕，講真唔太差，但有改善空間。
張貼
