名門私房菜

營業中

休息中

魚茸羹，很花時間的一道手工菜，首先將鯇魚蒸熟拆肉，要小心去哂啲魚骨，再加埋豆腐同切到好薄嘅菜粒增加口感。食到濃濃嘅鯇魚鮮味加上豆腐同菜嘅甜，而調味做得適中，作為頭盤暖胃好合適手撕雞，同樣係花時間嘅功夫菜，雞肉絲碎加上海蜇青瓜絲酸薑絲同切到好幼炸過嘅芋絲一齊混合嚟食。新正頭食就啱，有撈起嘅意思。調味方面加咗山葵有少少刺激同攻鼻，越食越上癮蝦多士拼炒鮮奶，蝦多士炸得金黃鬆脆除咗蝦餃之外，仲有成隻蝦响入邊。炒鮮奶做得非常滑溜，而且用嘅鮮奶炒埋會損耗好多，值得慢慢品嚐。鬼馬咕嚕肉，咕嚕肉做得合格好味，加上炸兩次炸到特別脆嘅油炸鬼扮埋咕嚕肉，口感特別酥脆家鄉煎釀鯪魚，將鯪魚拆骨起肉，但係保留魚皮再將鯪魚肉釀番入去，慢慢煎香煎熟，而鯪魚肉加入咗馬蹄同陳皮特別香特別好食柚皮炆鵝掌，柚皮有幾花功夫時間唔需要多講，鵝掌同樣炆到一入口就骨肉分離。調味芡汁恰到好處，墊底嘅生菜吸收咗湯汁都非常清甜好食小炒皇，銀魚仔炸到鬆脆，加上韭菜豬肉粒蝦乾鮮蝦，有火候有鑊氣，係非常合格嘅一道小炒王魚肚蝦乾浸芥菜芯，食咗幾度濃味嘅菜叫返個湯浸芥菜芯中和一下，芥菜揀最靚最芯嘅部份，加埋蝦乾魚肚滾出嚟嘅上湯，清清甜甜滋潤好味名門