影片
更多
2023-04-19
42 瀏覽
聽到呢間餐廳名就知道係主打生蠔，但係估唔到佢嘅海鮮同埋其他菜式同樣出色👍咁啱我同好友都好耐冇食呢類型嘅野，又見到餐廳comment都唔錯，所以就嚟試吓過吓口癮😆當職員捧碟生蠔海鮮架出嚟嘅時候，我哋都嘩咗一聲，賣相真係好吸引❤️ 跟住職員就好用心去介紹每一款生蠔同海鮮，生蠔由淡味食到濃味，咁樣先食得到味道嘅變化同層次👍我地影咗幾張相後已經急不及待好想開餐啦😆Tia Maraa Pearl 2pcs $72來自愛爾蘭東南部，係四款之中size最細，味道比較淡味清甜，海水味不算重，肉質爽口，相當易入口。Gillardeau (No.2) 2pcs $96幾乎每次食生蠔都會叫嘅法國Gillardeau，相信大多數人都會喜歡佢嘅味道同口感，蠔肉夠厚，海水味適中帶果香，餘韻悠長。Tarbouriech Oyster (Pinky) (No.1) 2pcs $112來自法國，size較大隻，肉質飽滿肥美，口感順滑，入口海水味濃，最後滲出甜味，味道層次豐富，呢款口味我第一次食，好有驚喜❤️Belon (000) 2pcs $136來自法國為人熟悉嘅Belon肉質結實飽滿，口感爽脆，海水味同礦物味重，餘韻悠
當職員捧碟生蠔海鮮架出嚟嘅時候，我哋都嘩咗一聲，賣相真係好吸引❤️ 跟住職員就好用心去介紹每一款生蠔同海鮮，生蠔由淡味食到濃味，咁樣先食得到味道嘅變化同層次👍我地影咗幾張相後已經急不及待好想開餐啦😆
Tia Maraa Pearl 2pcs $72
來自愛爾蘭東南部，係四款之中size最細，味道比較淡味清甜，海水味不算重，肉質爽口，相當易入口。
Gillardeau (No.2) 2pcs $96
幾乎每次食生蠔都會叫嘅法國Gillardeau，相信大多數人都會喜歡佢嘅味道同口感，蠔肉夠厚，海水味適中帶果香，餘韻悠長。
Tarbouriech Oyster (Pinky) (No.1) 2pcs $112
來自法國，size較大隻，肉質飽滿肥美，口感順滑，入口海水味濃，最後滲出甜味，味道層次豐富，呢款口味我第一次食，好有驚喜❤️
Belon (000) 2pcs $136
來自法國為人熟悉嘅Belon肉質結實飽滿，口感爽脆，海水味同礦物味重，餘韻悠長。
Hokkaido Scallop北海道帶子 2pcs $76
帶子刺身肉質柔軟，鮮味濃郁，口感富有彈性👍
Red Prawn 地中海紅蝦 2pcs $256
蝦身深紅色、蝦肉晶瑩剔透好靚，size有手掌咁大，蝦肉鮮甜爽彈，蝦味超濃郁，仲有蝦膏香濃甘甜，極之享受😍
Live Boston Lobster Set 活波士頓龍蝦套餐 $788
Lobster Sashimi 龍蝦刺身
龍蝦刺身非常新鮮，鮮味十足，爽口脆嫩，口感有彈性😋
Lobster Soup for Two 龍蝦湯兩碗
呢個龍蝦湯係我飲過咁多次來講算係頭幾位好味嘅，超鍾意佢嘅蝦殼味，每飲一啖湯，啲龍蝦味係湧出嚟，非常濃郁😋湯內仲有一大件嘅龍蝦肉，非常彈牙鮮甜，回味無窮❤️
Lobster Pasta 燴龍蝦意粉
意粉軟硬適中，有少少咬口，兩隻蟹鉗都幾巨大啖啖肉，肉質紮實，鮮甜美味👍友人唔係太食得芝士忌廉之類嘅食物，所以叫師傅落少啲汁，相信如果正常多汁的話會更好食👍
美味指數🍽：9/10
環境指數📸：8/10
整體表現💜：9/10
CP值指數😎：8.5/10
張貼
