影片
開飯介紹
餐廳提供一系列海鮮拼盤，包括龍蝦刺身、北海道帶子、韓國馬糞海膽等，主打法國生蠔，空運到港，味道十分新鮮。
繼續閱讀
營業時間
今日營業
12:00 - 15:00
17:00 - 22:30
星期一至日
12:00 - 15:00
17:00 - 22:30
公眾假期
12:00 - 15:00
17:00 - 22:30
以上資料只供參考, 請與餐廳確認詳情
有關獎賞計劃
出面食過幾間餐廳啲生蠔啲質素都唔穩定，有時仲可能食到有腥味。呢間食左三次啲蠔水準都keep倒，起碼未試過食倒唔新鮮既，佢有十幾隻蠔可以選擇，雖然唔係隻隻有現貨，我次次都會要求職員介紹當日最好既，其次係Tia Maraa Pearl由其出色，次次都叫一打打底。另外龍蝦意粉都好好味，次次都會叫，細份夠3個人分，大份4~5人分岩岩好。今次仲試埋牛排都係高水準之作。佢仲有pizza，美式刺身之類既野我就未試過。（主攻生蠔）價錢屬於中間位，唔算好平，但食物質素絕對對得起價錢，直得一試。備註一下：我睇得出老細對食物係有一份執著。但係客人唔識餐廳既規矩/文化係正常，餐廳題供既服務可以更加貼心，耐心咁去講解比客人知，多啲交流，因為真係有啲人唔識食蠔既次序或者最正確既方法，餐廳可以友善地講解或者教導一啲睇落唔太識處理既客人。
繼續閱讀
每次一想食生蠔，或者海膽都會過嚟食😚種類較多，又夠新鮮😍食埋意粉就非常之滿足仲有Risotto簡通常叫一個生蠔嘅拼盤，再加一個主食就夠曬😋見好多人會pair wine!
繼續閱讀
店內嘅環境非常舒服，適合輕鬆享受美食😋老闆推介嘅生蠔真係非常之掂，仲可以叫埋其他海鮮拼成一個拼盤。仲有活海膽食，鮮味十足，再整多兩隻赤背刺身，前菜剛剛好！另外，鵝肝多士亦係一大亮點，香濃嘅鵝肝配上酥脆嘅多士，完美嘅搭配，本身仲想encore多一碟😂我覺得佢個牛油蒜蓉龍蝦好抵食，重點同你分好晒，食得非常之方便 比想像中新鮮喎總結來講，呢間餐廳無論係食物質素、環境都非常出色，值得一試！下次一定會再來！
繼續閱讀
看照片想像是一間比較好餐廳，但到了才發現環境很一般 。入門口已一陣油煙味，而且整個餐廳都有點亂 。本來想離開，但朋友生日她又喜歡食蠔所以留下 。點了一瓶白酒，18隻生蠔set，然後兩個龍蝦湯，本來要求想先飲湯才食生蠔，但老闆堅持要我們先吃生食物才吃熟食⋯⋯原來顧客不能選擇 。感覺不良好後，吃完生蠔跟湯，再點了一個沙律就埋單 。平心而論，食物質素唔錯，但環境很一般而且吃完全身油煙味⋯⋯我不會再去 。
繼續閱讀
為了慶祝爸爸生日，選了一間有生蠔吃的餐廳，來到了位於金巴利道的蠔灣。雖然店面小小，但裝潢並不隨便。時令生蠔拼盤 (24隻)，廚師推介了4款生蠔🦪，每款都好肥美肉厚！蠔的擺盤由外至內順時針擺放，由淡味食到濃味。即使是口味較淡的生蠔，都充滿蠔的鮮甜味，完全不需加cocktail sauce去搭配食用。濃味的生蠔甚至帶點回甘甜味！試勻4款，滿足！澳洲海膽 ($268)，每片海膽都大塊又完整，厚身兼creamy，味道濃甜！配搭紫菜吃，帶微微紫菜香，令味道層次更為豐富。House White Wine ($78)，生蠔及海膽，配上白酒，絕配！酸辣龍蝦湯，可選不辣，未入口就已聞到龍蝦香氣，每啖湯入口都非常濃郁，口感綿密，好喝！法式鵝肝多士 (4件)，鵝肝的表層煎得香脆，入口即化，細滑質感依然。鵝肝豐腴得來不會令人食到滿嘴油，配合微酸的醬汁及脆口多士，減輕膩滯感。安格斯肉眼扒伴沙律配自家製洋蔥汁，5成熟的熟度恰好，肉帶點粉嫩。肉眼扒上桌時已是切好，方便分享食用，肉質軟嫩，肉汁豐沛，微微焦香的肉眼扒搭配洋蔥汁就更為惹味。龍蝦忌廉意粉 (細)，龍蝦肉大件又爽甜，份量不少。每條麵條掛滿忌廉醬汁，夠creamy。巴拿馬火腿風味薄餅，配料有巴拿馬火腿、蘆筍、洋蔥、水牛芝士配蕃茄醬，pizza充滿芝士味，夾雜火腿的鹹香，令味道不會太膩。蠔灣的生蠔拼盤夠高質，其他食物亦令人滿意，愛生蠔者不妨一試！
繼續閱讀