Cooley Oysters ® The Fine Restaurant

營業中

休息中

香煎鴨肝，一上枱就香到我流曬口水！煎到表面金黃酥脆，咬落去又軟滑到好似雲咁，入口即化！鴨肝本身嘅油脂香氣好濃郁，配埋啲配菜，真係好夾！見到有升級優惠，梗係唔執輸！我就揀咗Set，真係好抵！沙律揀咗意大利迷你馬蘇里拉芝士及蕃茄，芝士軟淋淋，蕃茄又夠鮮甜，酸酸甜甜好開胃！飲品我揀咗巨峰提子梳打，一入口滿滿嘅巨峰提子味，清甜解渴，仲有陣陣氣泡感，好refresh！主菜我揀咗傳統正宗卡邦尼意粉，意粉煮得剛剛好，煙韌得嚟又唔會硬，掛滿咗濃郁嘅卡邦尼醬，加上芝士同煙肉碎，每啖都好有層次！另外仲叫咗兩件日本帶子刺身，帶子超級新鮮，咬落去口感清甜彈牙，海鮮味十足！最後飲埋杯Latte Macchiato Coffee，咖啡香濃，上面嘅奶泡綿密，慢慢歎完，成個胃都好滿足！