船渦

營業中

休息中

蒸氣鍋已經好耐冇食，呢日來到銅鑼灣Sogo出口附近，見有間樓上新鮮海鮮蒸鍋餐廳就去試下。未到放工時間，我哋好早就入座了，可以周圍八卦下。餐廳有魚缸養住活鮑魚、龍蝦、鮮蝦、貝殼類、奄仔蟹，即點即撈，非常新鮮。🌟八府巡按套餐，鍋底選魚湯烏冬 $488(+$1 換購鮑魚，沙律＋芝麻雞翼，雞軟骨餃子（各一）＋白蜆＋蝦+北寄貝（每隻）+鮑魚+元貝+扁蟶子+鮮魚片+龍蝦（半隻）+三寶丸+時蔬拼盤）🌟九品芝麻套餐，鍋底選南瓜芋頭粥 $258（+$1 換購鮑魚，沙律+章魚燒（2粒）+白蜆+蝦+鮮魚片+大蜆+扁蟶子+鮑魚+三寶丸+時蔬拼盤）睇得到海鮮夠生猛，龍蝦腳仲會動，貝殼仲伸晒脷。餐廳有一個蒸海鮮時間表俾客人自己控制時間，想要熟啲啲嘅牛肉都可以自己控制。蒸差唔多時間職員會幫忙加魚湯加烏冬，或者加粥底，唔使自己再煮👍🏻👍🏻👍🏻。生猛海鮮蒸出原先嘅鮮味，再配粥，可以食晒剛才嘅海鮮汁，非常美味。