大西洋海鮮火鍋

營業中

休息中

是日與好友到北角食海鮮火鍋，朋友仔推介這間大西洋火鍋個賣點係自己出去拎新鮮海鮮。一埋位就拎個盤去拎海鮮，非常生猛。兜上黎d蝦跳返出嚟，蟹都會走。真係非常生猛既海鮮，拎埋鮑魚同蜆，真係心情愉快兜海鮮。鮑魚新鮮彈牙，口感好夠鮮味。蝦同蟹爆膏肉質爽口彈牙又夠實肉，鮮味十足，新鮮捉即整個新鮮程度係唔同d既。蜆夠晒大粒飽滿同埋無沙。叫左個鴛鴦鍋番茄鍋底加菌菇湯底，再用QR Code掃描點左脆鯇魚片，蝦拼盤，蠔，蝦滑，黑魚片，成條紅衫魚，荷蘭天然五花腩，美國安格斯肩胛肥牛，魚皮餃。d魚成條原條咁上咁打邊爐先夠過引。肉類肉質都幾好，海鮮都幾新鮮。蔬菜款式夠多同埋新鮮。丸類有著大量種類任君選擇。飲品櫃有甜既有茶類有酒有涼茶，十分多選擇。仲有椰皇自己開即飲涼在心頭，清甜可口。