順。越南牛肉粉

營業中

休息中

Lunch唔知食咩好就去中環街市睇下，地下呢層好多食肆，行行下見幾多人食呢間，天氣又涼涼地就叫碗湯粉暖下。順生牛肉湯檬 $56牛肉肉質嫩滑，粉粉嫩嫩咁，湯底濃郁鮮甜，可以選擇河粉或者檬粉，我就中意檬粉，口感幼滑，白蘿蔔鮮甜無渣。酸辣鳳爪 $62味道酸甜帶少少辣味，鳳爪無骨啖啖肉，爽脆有口感。古法魚皮 $78魚皮大塊爽口彈牙，醬汁咸香鮮甜，加上大量葱令到香味撲鼻。蓮藕蝦餅 $48足料入面有蓮藕粒，煎到外脆內軟。