劉興記生煎包專門店

營業中

休息中

呢間人氣生煎包店開到去佐敦，店內環境好細，多人嘅話都唔係太方便講嘢，不過大家快食快走，所以都冇咩問題。店員服務態度十分友善，依家香港真係好難有。生煎包超級熱辣辣，咬落爆汁，小心唔好焫親，外層脆，餡料足，難怪咁受歡迎。蔥油雞扒飯，雞扒分開上，外皮煎至脆身，金黃色，肉質嫩滑，菜飯散發著淡淡香氣，健康又好味。私心推介麻醬手撕雞粉皮，粉皮入口滑溜，最緊要係個麻醬，一定要加醬食，手撕雞都OK，唔好以為份量細細食完都幾飽肚。蔥油拌麵幾有驚喜，油油哋又唔會膩。麵條軟硬度適中，唔夠飽嘅可以食。另有小雲吞湯麵，六小粒，皮薄，餡料足，湯底清甜，相對嚟計比較清淡同健康，如果唔鍾意濃味嘅呢個都係個唔錯嘅選擇。