泰COOL (彌敦道) (已結業)

老婆大人牛一，仔女、新抱仔、準女婿齊齊到賀慶祝生日@油麻地食泰國菜。賣相佳，碟頭大，味道中上啦！樓上舖，人客不算多，6個人開左張12人大枱。最讚是原個椰香海鮮焗飯，飯很濃椰香味，另附送一杯椰青水，好奇是撈飯食，還是套餐飲品？侍應解釋是原個椰青打開，裡面有椰青汁，廚師會留起沖一杯特飲給客飲享用，真是大鄉里！另一欣賞的菜式是南瓜咖哩牛腩，都是原個南瓜做菜，如果加重少少咖哩辣就100分。蚝仔炒蛋是鐵板上碟，熱辣辣，味道很好，其次海南雞和咕嚕魚也不錯。冬蔭功湯太咸，麵包蟹吾夠咖哩辣味，麵包未達法包水準。因太飽，已經冇力品嘗炒貴刁和粉絲雜菜煲了。如果再光顧，減少2-3個餸都夠食，最後打包兩大盒，埋單$1500，人均消費$250。