影片
更多
2025-02-23
266 瀏覽
話說嗰日同朋友興祝生日，但係餐飯就谷住成肚氣，好似俾錢買難受，啲服務態度差到傻，真係第一次遇到間咁嘅舖頭！1.「得1.5小時食，但冇提前講」：我哋book7:00，入到去叫唒野等啲野食到，諗住等多少少野食再影張相留念，跟住嗰侍應行過嚟講問：「你哋做咩唔燒？」，我哋聽到都唔明點解佢要咁問，因為正常都唔會有人咁問，仲要我哋唔係冇食嘢，我哋係有食住炸物等，所以我哋就同佢講話想等多幾碟肉黎跟住影相靚啲，然後佢就同我哋講話叫我哋最好快啲燒，驚我哋燒唔切，再喺嗰個moment同我哋講話因為陣間太多客，所以只可以食一個半鐘頭（但重點係佢前提冇講過，正常入座前會講，再加上唔係任食燒肉，所以我哋冇諗過食呢餐要好似食放題咁急），但嗰陣已經7:30，因為要睇餐牌慢慢揀有咩食，所以成餐飯都好似食快餐咁急急腳食。。。。2.「話就話可以食到9:00，但不停催促我哋」：鑒於我哋根本都唔知道得個半鐘時間食嘢，又唔係我哋問題，所以我哋問嗰侍應食到九點得唔得，佢都話可以，但係喺我哋食嘢嘅過程當中就不斷收到個侍應嘅催促，又話咩有客人等我哋嗰位，跟住又話我哋book7點正常只可以食到8:30，最後我哋都燒得好快，連蛋糕都冇食
1.「得1.5小時食，但冇提前講」：我哋book7:00，入到去叫唒野等啲野食到，諗住等多少少野食再影張相留念，跟住嗰侍應行過嚟講問：「你哋做咩唔燒？」，我哋聽到都唔明點解佢要咁問，因為正常都唔會有人咁問，仲要我哋唔係冇食嘢，我哋係有食住炸物等，所以我哋就同佢講話想等多幾碟肉黎跟住影相靚啲，然後佢就同我哋講話叫我哋最好快啲燒，驚我哋燒唔切，再喺嗰個moment同我哋講話因為陣間太多客，所以只可以食一個半鐘頭（但重點係佢前提冇講過，正常入座前會講，再加上唔係任食燒肉，所以我哋冇諗過食呢餐要好似食放題咁急），但嗰陣已經7:30，因為要睇餐牌慢慢揀有咩食，所以成餐飯都好似食快餐咁急急腳食。。。。
2.「話就話可以食到9:00，但不停催促我哋」：鑒於我哋根本都唔知道得個半鐘時間食嘢，又唔係我哋問題，所以我哋問嗰侍應食到九點得唔得，佢都話可以，但係喺我哋食嘢嘅過程當中就不斷收到個侍應嘅催促，又話咩有客人等我哋嗰位，跟住又話我哋book7點正常只可以食到8:30，最後我哋都燒得好快，連蛋糕都冇食就走咗，最後8:40交咗枱，態度就好似人哋就係客，我哋就唔係客咁。
3.「俾下一枱要入座嘅客人望住咁食咗成餐飯」：喺我食緊野嘅途中望咗出counter，見到有3個人一直望住我哋呢邊，開頭以為佢哋唔為意，後尾望望吓就知佢哋係專登望過嚟（我嗰個位正對住門口，所以望得好清楚，仲叫埋我班frd confirm佢哋係唔係望住我哋，所以一定冇睇錯），擺到明啲侍應同咗嗰客講話係我哋唔交枱搞到佢哋冇位坐，就係因為咁我哋半餐飯都俾啲客望住咁食，好似喺動物園被觀賞進食中，食都食得唔安樂。
4.「用餐時間90分鐘，不過唔係入座計？究竟係唔係恰我哋年紀細？」：事關當日我哋入座前已坐滿好多枱嘅客人，但發生以上嘅事情淨係落喺我哋身上，即係嗰侍應會喺中途同嗰客講得90分鐘進食同埋俾人催叫我哋食快啲，所以我就走咗去問嗰侍應其實其他人（已入座嘅客人）係唔係都係同我哋一樣時間走，咁佢本身話係，嗰刻我哋覺得都好啲，起碼所有人都係受到公平嘅對待，轉頭返黎話啲人book7:30（但佢哋7點前已入座，乜唔係要跟足policy入座計90分鐘嘅咩），所以人哋就可以食到9:00，我哋唔得，我哋只可以無奈咁接受，因為佢哋中意講咩就講咩，不過站喺我哋立場，我哋就覺得佢哋會唔會恰我哋係後生仔，所以想我哋快啲交枱俾下一枱（就係門口嗰3個人，都係得1枱客等緊，所以要即刻要張吉枱）。
5.「詐騙XD？究竟係人事問題定系統問題」：食咗成餐飯，Openrice booking話我哋缺席，即代表啲侍應冇㩒到”confirm”我哋有食到呢餐飯，所以其實我哋都唔需要俾錢話食咗呢餐飯架啦，儲唔到分小事，係唔係侍應專登唔㩒”confirm”係件大事，如果真係間餐廳問題就真係似足方丈大人啦。
總結：冇話啲野難食，係評緊呢間野侍應嘅質素同佢哋嘅處理手法嘅問題，咁樣搞一搞，成餐生日飯都食到冇唒mood，呢間野請我去食都唔會去幫襯。
張貼