蟹膳 (已搬遷) 新店位置

今日我生日, 老公知我鐘意食蟹, 所以原來一早BOOK左呢間貴到飛起既蟹善食全蟹宴, 雖然好感動, 但兩個人食左三千幾蚊, 真係一路食一路好似俾放血一般.我地本來想點海膽蟹肉蟹宴但個侍應不停推介說今日另一個蟹宴平時係2KG蟹, 今日返既係4KG蟹,所以會啖啖肉, 叫我地不如揀這個吧. 最後我地唔好意思推卻就點了前菜是蟹肉豆腐附上紫菜碎, 味道一般, 燒蟹腳是很鮮味的同有淡淡的炭味, 不過老公嫌唔似日本道樂咁俾你自己燒所以上枱時已經不夠熱了, 扣分.天婦羅蟹腳就不得了, 正, 鮮甜肉厚, 真係侍應講咁啖啖肉, 隻腳大得跨張, 去日本咁多次都未食過,配綠茶鹽一齊食係非常夾, 好好味, 我好鐘意. 流心天婦羅蛋黃一般, 就好似我地平時食開既炸蛋一樣. 蟹肉雜菜盤蟹肉餃子火鍋：蔬菜係非常新鮮、蟹肉煮約1--1.5分鐘秒剛好熟，本來對佢無咩寄望, 但原來係超級好味好鮮甜, 真係新鮮就嬴了. 最後一道是將你打完火鍋既湯底加蟹膏煮粥, 侍應會幫你手煮, 本來我最期待呢個因為係日本食個超正, 但今晚唔知係咪個蟹有點苦, 所以個粥味道怪怪的, 好苦唔好食.講真, 呢個價錢, 係香港食就真係貴左D, 雖然