L'AMOUR

同閨蜜一齊慶祝生日，揀咗呢一間法國餐廳，富有情調嘅佈置充滿咗紅色嘅玫瑰花同埋令人聯想起同戀愛有關嘅白色夢幻鋼琴。我哋叫咗兩個四道菜嘅午餐。$338一位。法式澳洲活龍蝦湯🥣澳洲活龍蝦湯淡淡都係龍蝦味，非常之飽滿。北海道帶子刺身沙律🥗欣賞佢個黑醋汁整嘅沙律，帶子非常鮮嫩塔斯曼尼亞海膽多士🍞海膽好豐富，多士比較薄脆法式龍蝦汁海鮮薏米飯🍚成個龍蝦汁滿滿嘅感覺，每一啖都有深海味道法式低溫煮東星石斑🐟喜歡佢嗰啲充滿五顏六色嘅蔬菜，同埋慢煮嘅東星石斑魚肉好鮮嫩季節時限甜品今日其實剩返柚子雪葩，本身冇咁期待，點知見到隔籬枱原來生日係可以放煙花㗎，所以我哋就叫咗生日之選同閨蜜每人一個嚟慶祝！餐廳會首先播生日歌，然後佢哋幫我哋點燃煙花，有種新年嘅喜氣洋洋感覺！十分之開心！